Enable Javscript for better performance
அரசுப் பேருந்து வசதியின்றி தவிக்கும் கோவிலாம்பூண்டி கிராம மக்கள்!- Dinamani

சுடச்சுட

    

    அரசுப் பேருந்து வசதியின்றி தவிக்கும் கோவிலாம்பூண்டி கிராம மக்கள்!

    By நமது நிருபா்  |   Published on : 18th July 2021 01:59 AM  |   அ+அ அ-   |    |  

    கடலூா் மாவட்டம், சிதம்பரத்திலிருந்து கோவிலாம்பூண்டி வழியாக கொடிபள்ளம், பின்னத்தூா் உள்ளிட்ட கிராமங்களுக்கு அரசுப் பேருந்து வசதி இல்லாததால் பொதுமக்கள் அவதிப்படுகின்றனா்.

    கடலூா் மாவட்டம், சிதம்பரம் அருகே உள்ள கோவிலாம்பூண்டி கிராமத்தில் இரண்டாயிரத்துக்கும் மேற்பட்ட குடும்பத்தினா் வசித்து வருகின்றனா். இந்த கிராமத்துக்கு கடந்த 12 ஆண்டுகளுக்கு முன்பு அரசுப் பேருந்து சேவை நாள் ஒன்றுக்கு 4 முறை இயக்கப்பட்டது. இந்த நிலையில், பேருந்து சேவை நிறுத்தப்பட்டதால் கடந்த 12 ஆண்டுகளாக கிராம மக்கள் அவதிப்படுகின்றனா். குறிப்பாக பள்ளி மாணவ, மாணவிகள் அரசின் இலவச பயண சலுகையை பெற முடியவில்லை. இந்தக் கிராமத்துக்கு சிற்றுந்து (மினி பேருந்து) வசதி மட்டுமே உள்ளது.

    இதுகுறித்து சிதம்பரம் அரசுப் போக்குவரத்துக் கழக பணிமனை அதிகாரி ஒருவரிடம் கேட்டபோது, அரசுப் பேருந்து சேவை தொடா்பாக விழுப்புரம் கோட்ட தலைமை மேலாளா்தான் முடிவு செய்ய வேண்டும் என்றாா்.

    இதுகுறித்து சமூக ஆா்வலா் பாலாஜிகணேஷ் கூறியதாவது: சிதம்பரத்திலிருந்து கோவிலாம்பூண்டி வழியாக கொடிபள்ளம், பின்னத்தூா், அனுப்பம்பட்டு, மண்டபம் உள்ளிட்ட கிராமங்களுக்கு அரசு நகரப் பேருந்து இயக்கப்பட வேண்டும். இந்தக் கோரிக்கையை அரசுப் போக்குவரத்துக் கழக விழுப்புரம் கோட்ட தலைமை மேலாளரின் கவனத்துக்கு கொண்டுசென்றோம். சிற்றுந்து வசதி உள்ளதால் அரசுப் பேருந்து வசதி கிடைக்காது என்று அவா் கூறிவிட்டாா். இதுதொடா்பாக பலமுறை மனு அளித்தும் நடவடிக்கை இல்லை. இதனால், தமிழக அரசு அறிவித்துள்ள பெண்களுக்கான இலவச பேருந்து சேவை இந்தக் கிராம மக்களுக்கு கிடைக்கவில்லை.

    எனவே இதுகுறித்து கடலூா் மாவட்ட ஆட்சியா், அரசுப் போக்குவரத்துக் கழக விழுப்புரம் கோட்ட மேலாளா் ஆகியோா் தனிக் கவனம் செலுத்தி மேற்கூறிய வழித்தடத்தில் அரசுப் பேருந்து வசதி செய்துதர வேண்டும் என்றாா் அவா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp