திட்டப் பணிகள்: கடலூா் ஆட்சியா் ஆய்வு

கடலூா் மாவட்டத்தில் பல்வேறு பகுதிகளில் ஊரக வளா்ச்சித் துறை மூலம் மேற்கொள்ளப்படும் திட்டப் பணிகள் குறித்து மாவட்ட ஆட்சியா் கி.பாலசுப்பிரமணியம் புதன்கிழமை நேரில் பாா்வையிட்டு ஆய்வு செய்தாா்.

பரங்கிப்பேட்டை ஊராட்சி ஒன்றியம், சேந்திரகிள்ளை பகுதியில் புதிய பேருந்து நிழல்குடை அமைக்கும் பணி, அருண்மொழிதேவன் ஊராட்சி, பி.முட்லூா் ஆகிய பகுதிகளில் குடிநீா்த் திட்டப் பணி, குமராட்சி ஊராட்சி ஒன்றியம், மடப்புரம் ஊராட்சி ஒன்றிய தொடக்கப் பள்ளியில் சுற்றுச் சுவா் அமைக்கும் பணி, சிதம்பரம் அருகே சி.வக்காரமாரி ஊராட்சியில் பசுமை வீடுகள், பிரதமா் வீடு திட்டத்தின் கீழ் வீடுகள் கட்டப்படவுள்ள இடத்தைப் பாா்யையிட்டு பணிகளை மாவட்ட ஆட்சியா் தொடக்கிவைத்தாா்.

வடமூா் ஊராட்சி வடமூா்-தெம்மூா் இடையே புதிதாக அமைக்கப்பட்ட தாா்ச்சாலையைப் பாா்வையிட்டு அதன் தரம் குறித்து ஆய்வு செய்தாா்.

தொடா்ந்து, குமராட்சி ஊராட்சி ஒன்றிய அலுவலகத்தில் குமராட்சி, காட்டுமன்னாா்கோவில், சும்மாபுரம் ஆகிய ஊராட்சி ஒன்றிய அலுவலா்களுடன் மாவட்ட ஆட்சியா் தலைமையில் ஆய்வுக் கூட்டம் நடைபெற்றது. கூட்டத்தில் ஊராட்சி ஒன்றியப் பகுதிகளில் நடைபெற்று வரும் பல்வேறு திட்டப் பணிகள் குறித்து ஆய்வு செய்யப்பட்டது. அப்போது, பணிகளை விரைந்து முடிக்க ஆட்சியா் அறிவுறுத்தினாா்.

ஆய்வின் போது, கூடுதல் ஆட்சியா் (வளா்ச்சி) பவனகுமாா் ஜி.கிரியப்பனவா், செயற்பொறியாளா் பிரபாகரன், வட்டார வளா்ச்சி அலுவலா்கள் விமலா, போகாராஜ் உள்ளிட்டோா் உடனிருந்தனா்.