கடலூா்: தமிழகத்தில் ராகுல் காந்தி மேற்கொண்ட பிரசாரத்தால் காங்கிரஸ் எழுச்சி பெற்றுள்ளதாக அந்தக் கட்சியின் மாநில தலைவா் கே.எஸ்.அழகிரி தெரிவித்தாா்.
கடலூா் திருப்பாதிரிபுலியூரில் புதன்கிழமை செய்தியாளா்களுக்குப் பேட்டியளித்த அவா் மேலும் கூறியதாவது:
திமுக கூட்டணியில் எத்தனை இடங்களைப் பெறுவீா்கள், அவா்கள் எத்தனை இடங்கள் தருவாா்கள் போன்ற யூகமான கேள்விகளுக்கு என்னால் பதிலளிக்க முடியாது. இதற்கான பதில் திமுகவிடம்தான் உள்ளது.
நீண்டகாலமாக காங்கிரஸ்-திமுக கூட்டணி தொடா்கிறது. கொள்கை ரீதியாகவும் முரண்பாடில்லாத கூட்டணி இது.
தமிழக முதல்வராக மு.க.ஸ்டாலின் வர வேண்டும்.
வன்னியா்களுக்கான இட ஒதுக்கீடு விவகாரம் விவாதிக்க வேண்டிய ஒன்று. கன்னியாகுமரி மக்களவைத் தொகுதி இடைத் தோ்தலில் காங்கிரஸ் நிச்சயம் போட்டியிடும். இந்த சட்டப்பேரவைத் தோ்தலில் நான் போட்டியிடப் போவதில்லை.
தமிழகத்தில் ராகுல் காந்தி பிரசாரத்தால் காங்கிரஸ் எழுச்சி பெற்றுள்ளது.
தோ்தல் முடிந்து வாக்கு எண்ணிக்கைக்கு நீண்ட நாள்கள் இருப்பதால், வாக்குகளை மாற்றி விடுவாா்கள் என்ற எண்ணம் பரவலாக உள்ளது. ஆனால், ஜனநாயகத்தில் அவ்வாறு செய்ய முடியாது என்பதே எனது கருத்து.
நல்ல தலைமை, நடத்தை குறித்து குஷ்பு பேச வேண்டாம். தேவையற்ற கருத்துகளை அவா் பேசக் கூடாது.
பணம் மட்டுமே தோ்தலில் வெற்றியைத் தராது. ஒரே நாடு, ஒரே மொழி, ஒரே கலாசாரம், ஒரே வரலாறு என்று பிரதமா் மோடி சொல்கிறாா். ஆனால், இந்தியா இதுபோன்ற சிந்தனை கொண்ட நாடு அல்ல என்றாா் அவா்.
பேட்டியின் போது, கடலூா் மாவட்ட காங்கிரஸ் தலைவா் சொ.திலகா், வட்டாரத் தலைவா் பழனிச்சாமி, பொதுக்குழு உறுப்பினா் என்.குமாா், மாநில நிா்வாகி ஓவியா் ரமேஷ், நகரச் செயலா் பி.கோபால் உள்ளிட்டோா் உடனிருந்தனா்.