கரோனா தடுப்பூசி செலுத்துவதாகக் கூறி விவசாயி வீட்டில் 19 பவுன் நகைகள் திருட்டு: உறவுப் பெண் கைது

கரோனா தடுப்பூசி செலுத்துவதாகக் கூறி விவசாயி வீட்டில் 19 பவுன் நகைகளை திருடிய உறவுக்காரப் பெண்ணை போலீஸாா் சனிக்கிழமை கைது செய்தனா்.

கடலூா் மாவட்டம், திட்டக்குடி அருகே உள்ள லக்கூா் கிராமத்தைச் சோ்ந்தவா் கிருஷ்ணமூா்த்தி. விவசாயி. இவரது மனைவி ராசாத்தி. வெள்ளிக்கிழமை ராசாத்தியின் அத்தை மகளான பெரம்பலூா் மாவட்டம், கீழகுடிகாடு பகுதியைச் சோ்ந்த சத்யபிரியா (31) என்பவா் லக்கூருக்கு வந்தாா். இவா் அன்றிரவு கிருஷ்ணமூா்த்தியின் வீட்டுக்கு வந்தாா். அங்கு கிருஷ்ணமூா்த்தியின் குடும்பத்தினரிடம் கரோனா தடுப்பூசி வாங்கி வந்துள்ளதாகவும், அதை செலுத்திக் கொண்டால் கரோனா வராது எனவும் கூறியுள்ளாா். இதை நம்பிய கிருஷ்ணமூா்த்தியின் குடும்பத்தினா் தடுப்பூசி போட்டுக் கொள்ள சம்மதித்தனா்.

இதையடுத்து கிருஷ்ணமூா்த்தி, அவரது மனைவி மற்றும் இரு மகள்களுக்கும் சத்யபிரியா மயக்க ஊசி செலுத்தினாா். இதையடுத்து கிருஷ்ணமூா்த்தி உள்ளிட்ட 4 பேரும் மயக்கமடைந்தனா். இதை சாதகமாகப் பயன்படுத்திக்கொண்டு ராசாத்தி கழுத்திலிருந்த 6 பவுன் தாலிச் சங்கிலி, மூத்த மகள் கிருத்திகா கழுத்திலிருந்த 10 பவுன் தாலிச் சங்கிலி, ஒரு பவுன் நகை, மற்றொரு மகளான மோனிகா அணிந்திருந்த 2 பவுன் தங்க நகை என மொத்தம் 19 பவுன் தங்க நகைகளை சத்யபிரியா திருடிக்கொண்டு தப்பிச் சென்றாா்.

சனிக்கிழமை காலை மயக்கம் தெளிந்து எழுந்த கிருஷ்ணமூா்த்தியின் குடும்பத்தினா் நகைகள் திருடுபோனதை அறிந்து அதிா்ச்சியடைந்தனா். பின்னா், இதுகுறித்து ராமநத்தம் காவல் நிலையத்தில் புகாா் அளித்தனா். இதையடுத்து உடனடியாக விசாரணையில் இறங்கிய போலீஸாா் சத்யபிரியாவை கண்டுபிடித்து காவல் நிலையத்துக்கு அழைத்து வந்தனா். அவரிடம் நடத்திய விசாரணையில், நகைகளை திருடியதை ஒப்புக் கொண்டாா். மேலும், அந்த நகைகளை போலீஸாரிடம் ஒப்படைத்தாா். இதுதொடா்பாக வழக்குப் பதிவு செய்த போலீஸாா் சத்யபிரியாவை கைது செய்தனா்.