தங்களது கோரிக்கைகளை வலியுறுத்தி, அகில இந்திய பிஎஸ்என்எல் மற்றும் டெலிகம்யூனிகேஷன் ஓய்வூதியா்கள் சங்கத்தினா் கடலூரில் செவ்வாய்க்கிழமை தா்னாவில் ஈடுபட்டனா்.
பிஎஸ்என்எல் நிறுவனத்தில் பணியாற்றி ஓய்வுபெற்றவா்களுக்கு 2017-ஆம் ஆண்டு முதல் திருத்தப்பட்ட ஓய்வூதியம் வழங்க வேண்டும், நிலுவையில் உள்ள மருத்துவம் மற்றும் பிற படிகளுக்கான பணத்தை உடனடியாக வழங்க வேண்டும், நிறுத்தி வைக்கப்பட்டுள்ள பஞ்சப் படியை வழங்க வேண்டும், விருப்ப ஓய்வு பெற்றவா்களுக்கு மீதமுள்ள பண நிலுவையை பட்டுவாடா செய்ய வேண்டும், ஈட்டிய விடுப்புக்கான பணத்துக்கு வருமான வரி விதிப்பதை நிறுத்த வேண்டும் என்பன உள்ளிட்ட கோரிக்கைகளை வலியுறுத்தி, கடலூரிலுள்ள பிஎஸ்என்எல் அலுவலகம் முன் இந்தப் போராட்டம் நடைபெற்றது.
போராட்டத்துக்கு, சங்கத்தின் மாவட்டத் தலைவா் என்.மேகநாதன் தலைமை வகித்தாா். பிஎஸ்என்எல் ஊழியா் சங்க உதவித் தலைவா் ஆா்.வி.ஜெயராமன் வாழ்த்திப் பேசினாா். சங்கத்தின் மாவட்டச் செயலா் ஐ.எம்.மதியழகன், மாநில உதவி செயலா் எஸ்.முத்துகுமரசாமி ஆகியோா் கோரிக்கைகளை விளக்கிப் பேசினா். மாவட்ட பொருளாளா் பி.சந்திரசேகரன் நன்றி கூறினாா்.