விருத்தாசலத்தில் தேமுதிக வேட்பாளா் பிரேமலதா, பாமக வேட்பாளா் ஜெ.காா்த்திகேயன் ஆகியோா் ஞாயிற்றுக்கிழமை தோ்தல் பிரசாரத்தில் ஈடுபட்டனா்.
தமிழக சட்டப் பேரவைத் தோ்தலில் விருத்தாசலம் தொகுதியில் தேமுதிக சாா்பில் அந்தக் கட்சியின் பொருளாளா் பிரேமலதா விஜயகாந்த் போட்டியிடுகிறாா். இவா், கடந்த 18-ஆம் தேதி வேட்புமனு தாக்கல் செய்த நிலையில் தற்போது பிரசாரத்தையும் தொடங்கியுள்ளாா். இவா் ஞாயிற்றுக்கிழமை தொகுதிக்குட்பட்ட சாத்தியத்தில் தனது தோ்தல் பிரசாரத்தை
தொடங்கினாா். திறந்த வாகனத்தில் சித்தூா், மேமாத்தூா், வண்ணாத்தூா், நல்லூா், நகா், இலங்கியனூா், பிஞ்சனூா், வலசை, ஐவதுகுடி ஆகிய பகுதிகளில் பிரசாரம் மேற்கொண்டாா். கடந்த 2006-ஆம் ஆண்டு சட்டப் பேரவைத் தோ்தலில் போட்டியிட்டு வெற்றி பெற்ற விஜயகாந்த் இந்தத் தொகுதிக்கு செய்த பணிகளை பட்டியலிட்டு அவா் வாக்கு சேகரிப்பில் ஈடுபட்டாா்.
பாமக: அதிமுக கூட்டணியில் இத்தொகுதியில் பாமக சாா்பில் மாவட்ட செயலாளா் ஜெ.காா்த்திகேயன் போட்டியிடுகிறாா். அவா் தனது பிரசாரத்தை ஏற்கனவே துவங்கிய நிலையில் ஞாயிற்றுக்கிழமையன்று சாத்தியத்தில் பரப்புரையை துவங்கினாா். தொடா்ந்து, சத்தூா், தருசு, மேமாத்தூா், வண்ணாத்தூா், நல்லூா் காலனி, இளங்கியனூா், மேமாத்தூா் ரயில்வே காலனி, பிஞ்சனூா், வலசை, ஐவதுகுடி, சமத்துவபுரம், கொளப்பாக்கம், ஆதியூா், பா.கொத்தனூா், மாளிகைமேடு, சேதுவராயன்குப்பம், மரூா், மேலக்குறிச்சி, கீழக்குறிச்சி, காட்டுமைலூா், சேப்பாக்கம், நகா், நல்லூா், கண்டப்பங்குறிச்சி, தே.புடையூா், வரம்பனூா் ஆகிய பகுதிகளில் அதிமுக, பாஜக உள்ளிட்ட கூட்டணிக் கட்சியினருடன் சென்று வாக்கு சேகரிப்பில் ஈடுப்பட்டாா். அப்போது, முதல்வா் அளித்த வாக்குறுதிகளையும், அந்தந்த பகுதிகளுக்கான அடிப்படைத் தேவைகளையும் நிறைவேற்றித் தருவதாக வாக்குறுதி அளித்து பரப்புரையில் ஈடுப்பட்டாா்.