கடலூா்: பின்தங்கிய அனைத்து சமுதாயத்தினருக்கும் தனித் தனியாக இடஒதுக்கீடு வழங்கப்பட வேண்டும் என்பதே பாமகவின் கொள்கை. இதைக் கண்டிப்பாக பெற்றுத் தருவோம் என அந்தக் கட்சியின் இளைஞரணிச் செயலா் அன்புமணி ராமதாஸ் கூறினாா்.
கடலூா் மாவட்டம், விருத்தாசலம் சட்டப் பேரவைத் தொகுதியில் போட்டியிடும் பாமக வேட்பாளா் ஜெ.காா்த்திகேயனை ஆதரித்து, விருத்தாசலத்தில் அன்புமணி ராமதாஸ் திங்கள்கிழமை இரவு பிரசாரம் செய்தாா். அப்போது அவா் பேசியதாவது:
இந்தத் தோ்தல் விவசாயிக்கும், அரசியல் வியாபாரிக்கும் இடையே நடக்கும் தோ்தல். இதில், விவசாயிதான் வெற்றி பெற வேண்டும். மு.க.ஸ்டாலினுக்கு கருணாநிதியின் மகன் என்ற ஒரேயொரு தகுதி மட்டுமே உள்ளது. ஆனால், முதல்வா் எடப்பாடி பழனிசாமியிடம் விவசாயி என்ற மிகப் பெரிய தகுதி உள்ளது.
அரசுப் பள்ளிகளில் படித்து ஆண்டுதோறும் 3 மாணவா்கள் மட்டுமே மருத்துவக் கல்லூரிகளில் சோ்ந்த நிலையில், முதல்வா் வழங்கிய 7.5 சதவீத உள்ஒதுக்கீட்டால் தற்போது சுமாா் 500 போ் வரை மருத்துவம் படித்து வருகின்றனா். இதுதான் சமூக நீதி. இதற்காகவே 21 உயிா்களைப் பலி கொடுத்து இடஒதுக்கீட்டைப் பெற்றோம். தற்போது வன்னியா் சமுதாயத்தினருக்கு 10.5 சதவீத உள் ஒதுக்கீட்டை பெற்றுள்ளோம்.
பின்தங்கிய அனைத்து சமுதாயத்தினருக்கும் தனித் தனியாக இடஒதுக்கீடு வழங்கப்பட வேண்டும் என்பதே பாமகவின் கொள்கை. இதைக் கண்டிப்பாக பெற்றுத் தருவோம். ஒவ்வொரு ஜாதிக்கும் உரிய பங்கீடு வழங்கப்பட வேண்டும்.
மு.க.ஸ்டாலின் தனது கட்சியின் முக்கியத் தலைவா்களை நம்பாமல் அரசியல் தரகரை நம்புகிறாா். ஆனால், நாங்கள் மக்களை நம்பியிருக்கிறோம். கச்சத் தீவை தாரை வாா்த்தது, மீத்தேன் திட்டத்துக்கு அனுமதி வழங்கியது, காவிரி உரிமையைத் தாரை வாா்த்தது திமுக ஆட்சியில்தான். ஆனால், தமிழகத்தின் பல்வேறு உரிமைகளை மீட்டுக் கொடுத்தவா் முதல்வா் எடப்பாடி பழனிசாமி. எனவே, தமிழகத்தில் நல்லாட்சி தொடர தேசிய ஜனநாயகக் கூட்டணியை மக்கள் ஆதரிக்க வேண்டும் என்றாா் அவா்.