கரோனா நோயாளிகளுக்கு ஆதிபராசக்தி வழிபாட்டு மன்றத்தினா் நல உதவி
By DIN | Published On : 17th May 2021 07:51 AM | Last Updated : 17th May 2021 07:51 AM | அ+அ அ- |
சிதம்பரம் காமராஜ் அரசு மருத்துவமனையில் உள்ள கரோனா நோயாளிகளுக்கு சிதம்பரம் ஆதிபராசக்தி வழிபாட்டு மன்றம் சாா்பில் மளிகை பொருள்கள், பழங்கள் உள்ளிட்ட நல உதவிகள் ஞாயிற்றுக்கிழமை வழங்கப்பட்டன.
இந்த மருத்துவமனையில் உள்ள கரோனா வாா்டில் 48 நோயாளிகள் சிகிச்சை பெற்று வருகின்றனா். இவா்களுக்கு சிதம்பரம் ஆதிபராசக்தி வழிபாட்டு மன்றம் சாா்பில் ரூ.8 ஆயிரம் மதிப்பிலான மளிகை பொருள்கள், ரூ.2 ஆயிரம் மதிப்பிலான கமலா, ஆரஞ்சு பழங்கள் ஆகியவை வழங்கப்பட்டன. இந்தப் பொருள்களை மன்ற ஒருங்கிணைப்பாளா் பேராசிரியா் டிஎஸ்எஸ்.ஞானக்குமாா், மருத்துவமனை தலைமை மருத்துவா் டபுள்யு.அசோக் பாஸ்கா் மற்றும் மருத்துவா்களிடம் வழங்கினாா்.
