கடலூா்: பொதுமுடக்கம் காரணமாக இணையதள மையங்கள் செயல்படாததால், இ-பதிவு செய்ய முடியாமல் கிராம மக்கள் தவிக்கின்றனா்.
கரோனா தீநுண்மியின் இரண்டாம் அலை பரவலைக் கட்டுப்படுத்தும் பொருட்டு, தமிழகத்தில் வருகிற 24- ஆம் தேதி வரை முழு பொதுமுடக்கம் அமல்படுத்தப்பட்டது. மாவட்டம் விட்டு மாவட்டம், மாநிலம் விட்டு மாநிலம் செல்வோா் தமிழக அரசின் இ-பதிவு திட்டத்தின் கீழ் இணையதளத்தில் கண்டிப்பாக பதிவு செய்திருக்க வேண்டும். அவ்வாறு பதிவு செய்ததற்கான ஆவணங்களைக் கொண்டு வருபவா்கள் மட்டுமே தமிழகத்துக்குள் அனுமதிக்கப்படுவா் என அறிவிக்கப்பட்டது.
இதற்காக ட்ற்ற்ல்ள்://ங்ழ்ங்ஞ்ண்ள்ற்ங்ழ்.ற்ய்ங்ஞ்ஹ.ா்ழ்ஞ்/ என்ற இணையதள முகவரியையும் அரசு வெளியிட்டது. இது தமிழகத்தில் மே 17 முதல் நடைமுறைக்கு வந்தது.
கடலூா், விழுப்புரம் மாவட்டங்களைச் சோ்ந்த பொதுமக்கள் அதிகளவில் புதுச்சேரியில் உள்ள மருத்துவமனைகளுக்கே சிகிச்சைக்காக வந்து செல்கின்றனா். இந்த 3 பகுதிகளும் ஒன்றோடொன்று, இணைந்தவையாக அமைந்துள்ளன. இப்பகுதிகளைச் சோ்ந்த கிராம மக்கள் அனைத்து விதமான இணையதள சேவைகளையும் கிராமங்களில் அமைக்கப்பட்ட சேவை மையங்கள், தனியாா் இணையதள மையங்களையே நம்பி வந்தனா்.
தற்போது, பொதுமுடக்கம் காரணமாக இவை செயல்படாததால் அவா்களால் இ-பதிவுக்கு விண்ணப்பிக்க முடியவில்லை. அறிதிறன் செல்லிடப்பேசியில் அதற்கான பதிவு மேற்கொண்டாலும் சில ஆவணங்களை இணைக்க வேண்டியிருப்பதால் அதற்கான சாத்தியக்கூறுகளும் குறைவாகவே உள்ளன. இதனால், மருத்துவத் தேவைக்காக புதுச்சேரி செல்பவா்கள் திரும்பி வருவதில் பல்வேறு இன்னல்களை சந்திப்பதுடன், இ-பதிவு இல்லாத காரணத்தால் திருப்பி விடப்படும் நிலையும் உருவாகியுள்ளது. எனவே, இதுபோன்ற பதிவுகள் மேற்கொள்ள இணையதள மையங்கள் செயல்பட அனுமதிக்க வேண்டும். அல்லது மாற்று ஏற்பாடுகளை அரசு மேற்கொள்ள வேண்டுமென சமூக ஆா்வலா்கள் வலியுறுத்துகின்றனா்.