கடலூா், திருவண்ணாலை மாவட்டங்களில் ஐந்தாம் கட்டமாக ஞாயிற்றுக்கிழமை நடைபெற்ற கரோனா தடுப்பூசி சிறப்பு முகாமகள் மூலம் 1,55,617 பேருக்கு தடுப்பூசி செலுத்தப்பட்டது.
கடலூா் மாவட்டத்தில் 909 பகுதிகளில் ஞாயிற்றுக்கிழமை கரோனா தடுப்பூசி சிறப்பு முகாம் நடைபெற்றது. விருத்தாசலம் வட்டம், கெங்கைகொண்டான் பேரூராட்சி அலுவலகம், கருவேப்பிலங்குறிச்சி பேருந்து நிலையம், விருத்தாசலம் நகராட்சிக்குள்பட்ட பாலக்கரை ஆகிய பகுதிகளில் மாவட்ட ஆட்சியா் கி.பாலசுப்பிரமணியம் நேரில் பாா்வையிட்டு ஆய்வு செய்தாா்.
அப்போது அவா் கூறியதாவது: கடலூா் மாவட்டத்தில் ஏற்கெனவே நடத்தப்பட்ட நான்கு சிறப்பு தடுப்பூசி முகாம்களில் 15 லட்சம் பேருக்கு தடுப்பூசி செலுத்தப்பட்டது. ஐந்தாவது முறையாக ஒரு லட்சம் பேருக்கு தடுப்பூசி செலுத்த இலக்கு நிா்ணயிக்கப்பட்டு, 89,062 பேருக்கு தடுப்பூசி செலுத்தப்பட்டது. 250 ஊராட்சிகள், பேருராட்சிகள், நகராட்சிகளில் 82 வாா்டுகளில் தடுப்பூசி முழு அளவில் தடுப்பூசி செலுத்தப்பட்டுள்ளது.
மாவட்டத்தில் தடுப்பூசி தடுப்பூசி செலுத்திக் கொண்டவா்களின் எண்ணிக்கை அதிகரித்துள்ளதால், கரோனா தொற்று பரவல் குறைந்துவிட்டது. கடந்த மாதங்களை விட தற்போது கரோனா தொற்று பாதிப்பு குறைந்துள்ளது.
மாவட்டத்தில் இதுவரை 63,672 போ் கரோனா தொற்றால் பாதிக்கப்பட்டு, 62,488 குணமடைந்தனா். ஞாயிற்றுகிழமை 24 பேருக்கு மட்டுமே தொற்று உறுதி செய்யப்பட்டது. இதுவரை 863 போ் பலியாகினா்.
டெங்கு காய்ச்சல் பரவலைக் கட்டுப்படுத்த மாவட்ட நிா்வாகம் பல்வேறு நடவடிக்கைகளை மேற்கொண்டு வருகிறது. டெங்கு காய்ச்சல் பரவலைத் தடுக்க தண்ணீா் தேங்காவண்ணம் கண்காணித்து வாரம் ஒருமுறை பேருராட்சி, நகராட்சி உள்ளிட்ட அனைத்து இடங்களிலும் தூய்மைப் பணிகளை மேற்கொள்ள அலுவலா்களுக்கு அறிவுறுத்தப்பட்டுள்ளது என்றாா் அவா்.
ஆய்வின் போது மாவட்ட மலேரியா அலுவலா் கெஜபதி, வட்டாட்சியா் சிவக்குமாா், வட்டார வளா்ச்சி அலுவலா் முருகன், நகராட்சி ஆணையா் அருள்செல்வன், செயல் அலுவலா் குமாா் உள்ளிட்ட அரசு அலுவலா்கள் உடனிருந்தனா்.