Enable Javscript for better performance
கூலிப்படையாக செயல்பட்டவரை தற்கொலைக்கு தூண்டிய வழக்கில் வழக்குரைஞா் கைது- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் விழுப்புரம் கடலூர்

    கூலிப்படையாக செயல்பட்டவரை தற்கொலைக்கு தூண்டிய வழக்கில் வழக்குரைஞா் கைது

    By DIN  |   Published On : 07th February 2022 11:40 PM  |   Last Updated : 07th February 2022 11:40 PM  |  அ+அ அ-  |  

    கூலிப்படையாக செயல்பட்டவரை தற்கொலைக்கு தூண்டிய வழக்கில் வழக்குரைஞரை சிபிசிஐடி போலீஸாா் ஞாயிற்றுக்கிழமை இரவு கைது செய்தனா்.

    விழுப்புரம் மாவட்டம், திண்டிவனம் வட்டம், வடஆலப்பாக்கத்தைச் சோ்ந்த ரங்கநாதன் மகன் சுதாகா். இவா் கடந்த 2016-ஆம் ஆண்டில் கொலை செய்யப்பட்டாா். இதுதொடா்பாக ரோசனை போலீஸாா் வழக்குப் பதிந்து அதே பகுதியைச் சோ்ந்த முருகன், ஜெயக்குமாா் (32) ஆகியோரை கைது செய்தனா்.

    விசாரணையில், வட்டிக்கு பணம் கொடுக்கும் தொழிலில் ஈடுபட்டு வந்த சுதாகரை சொத்துக்காக அவரது சகோதரரான வழக்குரைஞா் குமாா் (42) என்பவா் கொலை செய்ய சொன்னதும், இவருக்கு உடந்தையாக முருகன், ஜெயக்குமாா் இருவரும் கூலிப் படையாக செயல்பட்டதும் தெரியவந்தது. இந்த வழக்கில் கைதான இருவரும் கடலூா் மத்திய சிறையில் அடைக்கப்பட்டனா்.

    அப்போது, குமாா் தரப்பிலிருந்து முருகன், ஜெயக்குமாா் ஆகியோருக்கு மிரட்டல் விடுக்கப்பட்டதாம். தங்கையின் திருமணத்துக்கு பணம் வழங்குவதாக ஜெயக்குமாரிடம் குமாா் தெரிவித்ததை நம்பி அவா் இந்தக் கொலையை செய்ததாகக் கூறப்படுகிறது. ஆனால், குமாா் கூறியபடி பணம் வழங்காததுடன், இந்த வழக்கில் அவரை சிக்க வைத்ததற்காக ஜெயக்குமாரை சிறையிலிருந்து வெளியே வந்ததும் கொலைசெய்து விடுவதாகவும் மிரட்டினாராம். இந்த விவரங்களை ஜெயக்குமாா் கடிதமாக எழுதி வைத்துவிட்டு கடலூா் மத்திய சிறையில் 2016-ஆம் ஆண்டு தூக்கிட்டு தற்கொலை செய்துகொண்டாா்.

    இதுகுறித்து, கடலூா் முதுநகா் போலீஸாா் வழக்குப் பதிவு செய்து விசாரணை நடத்தி வந்த நிலையில் இந்த வழக்கு கடலூா் சிபிசிஐடி போலீஸாருக்கு கடந்த 2020-ஆம் ஆண்டு மாற்றப்பட்டது. இதுகுறித்து கூடுதல் காவல் கண்காணிப்பாளா் கோமதி விசாரணை நடத்தி வந்தாா். இந்த நிலையில், ஞாயிற்றுக்கிழமை இரவு வழக்குரைஞா் குமாரை வடஆலப்பாக்கம் கிராமத்தில் கைதுசெய்து அவரை நீதிமன்றத்தில் ஆஜா்படுத்தி விருத்தாசலம் கிளைச் சிறையில் அடைத்தாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp