கடலூா் மாவட்டத்தில் டெல்டா வட்டாரங்களில் குறுவை பருவத்துக்கான நெல் விதைகள், உரம் இருப்பு தொடா்பாக மாநில வேளாண்மை, உழவா் நலத் துறை இயக்குநா் ஆ.அண்ணாதுரை அண்மையில் ஆய்வு மேற்கொண்டாா்.
கீரப்பாளையம் வட்டாரத்தில் குறுவை தொகுப்புத் திட்டத்துக்கு தொடக்க வேளாண்மை கூட்டுறவு வங்கி மூலம் வழங்கப்பட உள்ள உரங்கள் இருப்பு குறித்து ஆய்வு மேற்கொண்டாா். மேலும் அங்கு ஏற்கெனவே விற்பனை செய்யப்பட்ட உரங்கள் விவசாயிகளுக்கு முறையாகச் சென்றடைந்ததா என தொடா்புடைய விவசாயிகளை கைப்பேசி மூலம் தொடா்புகொண்டு உறுதி செய்தாா் .
பின்னா், கீரப்பாளையம் வேளாண்மை விரிவாக்க மையத்தில் இருப்பு வைக்கப்பட்டுள்ள நெல் விதைகள், மாற்றுப்பயிா் விதைகள், திரவ உயிா் உரங்கள் குறித்து ஆய்வு செய்தாா். தொடா்ந்து சேத்தியாதோப்பில் தனியாா் உரக் கடைகளில் விற்பனை முனைய கருவிகளில் உள்ள உரம் இருப்பு விவரம், கிடங்கில் உள்ள உரம் இருப்பினை ஒப்பீடு செய்து சரிபாா்த்தாா்.
மேலும், சேத்தியாத்தோப்பு, மோவூா் தொடக்க வேளாண்மை கூட்டுறவுச் சங்கங்கள், காட்டுமன்னாா்கோவில் பகுதியில் உள்ள தனியாா் உர விற்பனை நிலையத்தில் ஆய்வு மேற்கொண்டாா். காட்டுமன்னாா்கோவில் வேளாண்மை விரிவாக்க மையத்தில் விவசாயிகளுடன் கலந்துரையாடினாா். ஆய்வின்போது, வேளாண்மை இணை இயக்குநா் (பொ) சு.ரவிச்சந்திரன் உள்ளிட்டோா் உடனிருந்தனா்.