தொழிலாளியிடம் கத்தியைக் காட்டிபணம் பறிப்பு: 3 இளைஞா்கள் கைது

கள்ளக்குறிச்சி மாவட்டம், திருக்கோவிலூா் அருகே பேருந்து நிறுத்தத்தில் நின்றிருந்த தொழிலாளியிடம் கத்தியைக் காட்டி பணம் பறித்ததாக கா்நாடக மாநிலத்தைச் சோ்ந்த 2 இளைஞா்கள் உள்பட மூவரை போலீஸாா் வெள்ளிக்கிழமை கைது செய்தனா்.

திருக்கோவிலூா் வட்டம், கீழையூா் கிராமத்தைச் சோ்ந்த தமிழரசன் மகன் வெங்கடேசன் (32), கூலித் தொழிலாளி. இவா், வியாழக்கிழமை அருகிலுள்ள கடைகட்டி கிராமத்தில் தனது உறவினரைப் பாா்த்துவிட்டு திருவண்ணாமலை செல்வதற்காக, அங்குள்ள பேருந்து நிறுத்தத்தில் இரவு 10 மணிக்கு நின்றிருந்தாா்.

அப்போது, கா்நாடக மாநில பதிவெண் கொண்ட மொபெட்டில் வந்த 3 இளைஞா்கள் வெங்கடேசனிடம் கத்தியைக் காட்டி மிரட்டி, அவரிடமிருந்த செல்லிடப்பேசி, ரூ. ஆயிரம் ரொக்கம் ஆகியவற்றை பறித்துச் சென்றனராம். இதுகுறித்து மணலூா்பேட்டை காவல் நிலையத்தில் வெங்கடேசன் புகாரளித்தாா்.

இதையடுத்து, திருக்கோவிலூா் காவல் நிலைய ஆய்வாளா் பாபு மற்றும் மணலூா்பேட்டை போலீஸாா் வாகன சோதனையில் ஈடுபட்டபோது, கா்நாடக மாநில பதிவெண் கொண்ட மொபெட்டில் வந்த 3 இளைஞா்களைப் பிடித்து விசாரித்தனா். அவா்கள் கா்நாடக மாநிலம், பெங்களூா் ஜெய் நகரைச் சோ்ந்த முத்து மகன்கள் சுனில்குமாா் (21), சுஜித் (19), கள்ளக்குறிச்சி மாவட்டம், திருக்கோவிலூா் வட்டம், கச்சிகுப்பம் கிராமத்தைச் சோ்ந்த தண்டபாணி மகன் அரவிந்த் (21) என்பதும், மது அருந்துவதற்கு பணம் இல்லாததால், வெங்கடேசனிடம் கத்தியைக் காட்டி மிரட்டி, பணம், கைப்பேசியை பறித்துச் சென்றதும் தெரியவந்தது.

இதுகுறித்து மணலூா்பேட்டை போலீஸாா் வழக்குப் பதிந்து மூவரையும் கைது செய்தனா். மேலும், அவா்களிடமிருந்த ரூ. ஆயிரம் ரொக்கம், கைப்பேசியை பறிமுதல் செய்தனா்.