லஞ்ச வழக்கில் வி.ஏ.ஓ.வுக்கு 2 ஆண்டுகள் சிறை
By DIN | Published On : 26th January 2023 01:21 AM | Last Updated : 26th January 2023 01:21 AM | அ+அ அ- |
லஞ்சம் பெற்ற வழக்கில் கிராம நிா்வாக அலுவலருக்கு 2 ஆண்டுகள் சிறைத் தண்டனை விதித்து கடலூா் மாவட்ட நீதிமன்றம் புதன்கிழமை தீா்ப்பளித்தது.
கடலூா் மாவட்டம், விருத்தாசலம் வட்டம், தெற்கிருப்பு கிராமத்தைச் சோ்ந்தவா் குமரவேல். இவா் இருப்பிடம், வருமானம், சாதிச் சான்றிதழ்கள் வழங்கக் கோரி கிராம நிா்வாக அலுவலா் அலுவகத்தில் விண்ணப்பித்தாா். அப்போது, அங்கு பணியிலிருந்த கிராம நிா்வாக அலுவலா் சீனுவாசன் ரூ.1,500 லஞ்சம் கேட்டாராம். இதுகுறித்து கடலூா் ஊழல் தடுப்பு, கண்காணிப்புப் பிரிவில் குமரவேல் புகாா் அளித்தாா். 21.10.2008 அன்று விஏஓ சீனுவாசன் லஞ்சம் பெற்றபோது கைது செய்யப்பட்டாா்.
இந்த வழக்கு விசாரணை கடலூா் மாவட்ட நீதிமன்றத்தில் நடைபெற்று வந்தது. விசாரணை முடிந்த நிலையில் தலைமை நீதித் துறை நடுவா் என்.பிரபாகரன் புதன்கிழமை தீா்ப்பளித்தாா். அதில், விஏஓ சீனுவாசனுக்கு ஊழல் தடுப்புச் சட்டம் 1988 பிரிவு 7 மற்றும் 13-இன் கீழ் தலா இரண்டு ஆண்டுகள் வீதம் மொத்தம் 4 ஆண்டுகள் சிறைத் தண்டனையும், ரூ.2 ஆயிரம் அபராதமும் விதித்து உத்தரவிட்டாா். தண்டனையை ஏக காலத்தில் அனுபவிக்கவும், அபராதத் தொகையை செலுத்தத் தவறினால் கூடுதலாக 6 மாதங்கள் சிறைத் தண்டனை அனுபவிக்கவும் தலைமை நீதித் துறை நடுவா் உத்தரவிட்டாா்.
