விருத்தாசலத்தில் மக்களுடன் முதல்வா் திட்ட முகாம்

கடலூா் மாவட்டம், விருத்தாசலம், சேலம் பிரதான சாலையில் உள்ள தனியாா் திருமண மண்டபத்தில் ‘மக்களுடன் முதல்வா்’ திட்ட சிறப்பு முகாம் புதன்கிழமை நடைபெற்றது.

முகாமில், கொடுக்கூா், முகுந்தநல்லூா், பரவலூா், பெரம்பலூா், தொரவலூா், விளாங்காட்டூா், எடையூா் ஆகிய 7 கிராமங்களைச் சோ்ந்த பொதுமக்கள் கலந்து கொண்டு தங்கள் கோரிக்கைகள் தொடா்பான மனுக்களை அளித்தனா்.

முகாமுக்கு, விருத்தாசலம் வட்டார வளா்ச்சி அலுவலா்கள் இப்ராஹீம், மோகனாம்பாள் ஆகியோா் தலைமை வகித்தாா். சிறப்பு அழைப்பாளா்களாக விருத்தாசலம் எம்எல்ஏ. எம்.ஆா்.ஆா்.ராதாகிருஷ்ணன், கோட்டாட்சியா் சையத் மெக்மூத் ஆகியோா் பங்கேற்றனா். முகாமில், பொதுமக்களிடம் இருந்து 515 மனுக்கள் பெறப்பட்டன.