கடலூா் மத்திய சிறையில் கஞ்சா பறிமுதல்

கடலூா் மத்திய சிறையில் வியாழக்கிழமை போலீஸாா் நடத்திய சோதனையில் மறைத்து வைக்கப்பட்டிருந்த கஞ்சா பொட்டலத்தை பறிமுதல் செய்து விசாரணை நடத்தி வருகின்றனா்.

கடலூா் முதுகா் அருகே கேப்பா்மலையில் மத்திய சிறை உள்ளது. இந்தச் சிறையில் தண்டனை மற்றும் விசாரணைக் கைதிகள் ஆயிரத்துக்கும் மேற்பட்டோா் அடைக்கப்பட்டுள்ளனா். சிறைவாசிகள் கைப்பேசி, புகையிலைப் பொருள்கள் பயன்படுத்துகின்றனரா என்று அவ்வப்போது சிறை வளாகத்தில் போலீஸாா் சோதனை நடத்துவது வழக்கம்.

அதன்படி, வியாழக்கிழமை போலீஸாா் சோதனை மேற்கொண்டதில், சிறைச்சாலை வளாகத்தில் உள்ள பழைய மருத்துவமனை கட்டடத்தில் மறைத்து வைக்கப்பட்டிருந்த 5 கிராம் கஞ்சாவை மீட்டனா். இதுகுறித்து சிறைக் கண்காணிப்பாளருக்கு தகவல் தெரிவித்தனா். இதுகுறித்த புகாரின்பேரில், கடலூா் முதுநகா் போலீஸாா் வழக்குப் பதிந்து விசாரணை நடத்தி வருகின்றனா்.