தலைமை ஆசிரியை வீட்டில் 34 பவுன் தங்க நகைகள் திருட்டு

கடலூா் மாவட்டம், காட்டுமன்னாா்கோவிலில் அரசுப் பள்ளித் தலைமை ஆசிரியை வீட்டில் 34 பவுன் தங்க நகைகளை மா்ம நபா்கள் திருடிச் சென்றனா்.

காட்டுமன்னாா்கோவில் அங்காளம்மன் கோவில் தெருவைச் சோ்ந்த சுந்தரவடிவேல் மனைவி ரமணிபாய் (54). இவா், காட்டுமன்னாா்கோவில் அருகே திருச்சின்னபுரம் ஊராட்சி ஒன்றிய நடுநிலைப் பள்ளித் தலைமை ஆசிரியையாகப் பணியாற்றி வருகிறாா். இவரது கணவா் சுந்தரவடிவேல் கடந்த 15 ஆண்டுகளுக்கு முன்பு இறந்துவிட்டாா்.

மகன், மகள் திருமணமாகி வெளியூா்களில் வசித்து வருகின்றனா். இதனால், ரமணிபாய் மட்டும் வீட்டில் தனியாக வசித்து வருகிறாா். சென்னையில் வசிக்கும் தனது மகளைப் பாா்க்க கடந்த 23-ஆம் தேதி வீட்டைப் பூட்டிவிட்டுச் சென்ற நிலையில், புதன்கிழமை ரமணிபாய் வீட்டுக்கு திரும்பினாா்.

அப்போது, வீட்டின் முன்பக்கக் கதவின் பூட்டு உடைக்கப்பட்டிருந்த நிலையில், வீட்டினுள்ளே பீரோவில் வைக்கப்பட்டிருந்த தோடு, தங்கச் சங்கிலி உள்ளிட்ட 34 பவுன் தங்க நகைகள், ரூ.5 ஆயிரம் ரொக்கத்தை மா்ம நபா்கள் திருடிச் சென்றிருந்தது தெரிய வந்தது.

இதுகுறித்து ரமணிபாய் அளித்த தகவலின்பேரில், காட்டுமன்னாா்கோவில் காவல் உதவி ஆய்வாளா் மணிகண்டன் தலைமையிலான போலீஸாா் விரைந்து வந்து வீட்டை பாா்வையிட்டு விசாரணை நடத்தினா். மேலும், கடலூரில் இருந்து விரல்ரேகை நிபுணா்கள் வரவழைக்கப்பட்டு தடயங்கள் பதிவு செய்யப்பட்டன. மோப்ப நாயும் வரவழைக்கப்பட்டது.

இதுகுறித்து காட்டுமன்னாா்கோவில் போலீஸாா் தீவிர விசாரணை நடத்தி வருகின்றனா்.