மாா்க்சிஸ்ட் கம்யூனிஸ்ட் மாவட்டக் குழுக் கூட்டம்! செப்டம்பா் 4-ஆம் தேதியில் போராட்டம்!

சிதம்பரம் பரங்கிப்பேட்டை வாத்தியாபள்ளி பகுதியில் மாா்க்சிஸ்ட் கம்யூனிஸ்ட் கட்சியின் கடலூா் மாவட்டக்குழுக் கூட்டம் வியாழக்கிழமை நடைபெற்றது.

மாவட்டச் செயற்குழு உறுப்பினா் டி.ஆறுமுகம் தலைமை வகித்தாா். மத்தியக் குழு உறுப்பினா் உ.வாசுகி, மாவட்டச் செயலா் கோ.மாதவன், மாநிலக்குழு உறுப்பினா் எஸ்.ஜி.ரமேஷ்பாபு, மாவட்டச் செயற்குழு உறுப்பினா்கள் உதயகுமாா், கருப்பையன், சுப்பராயன், ராமச்சந்திரன், திருவரசு, ராஜேஷ்கண்ணா, ஒன்றியச் செயலா் விஜய், ஆழ்வாா் உள்ளிட்டோா் கலந்துகொண்டனா்.

கூட்டத்தில், குறிஞ்சிப்பாடி அருகே பூதம்பாடி கிராமத்தில் தனியாா் நிதி நிறுவனத்தில் சுமாா் ரூ.3 லட்சம் கடன் பெற்ற வள்ளி, பணத்தை திரும்ப செலுத்தச் சொல்லி நிதி நிறுவன ஊழியா்கள் தொடா்ச்சியாக கடுமையான வாா்த்தைகளால் பேசியதால் கடந்த 30-ஆம் தேதி தூக்கிட்டுத் தற்கொலை செய்துகொண்டாா். அவரது மரணத்துக்கு காரணமான தனியாா் நிதி நிறுவன ஊழியா்கள் மீது வழக்குப் பதிந்து கைது செய்யவும், பாதிக்கப்பட்ட குடும்பத்துக்கு ரூ.25 லட்சம் நிவாரணம் வழங்கவும், குடும்பத்தில் ஒருவருக்கு அரசு வேலை வழங்கவும் வலியுறுத்தி, வடலூா் தனியாா் நிதி நிறுவன அலுவலக முன் மாா்க்சிஸ்ட் கட்சி சாா்பில் செப்டம்பா் 4-ஆம் தேதி போராட்டம் நடத்துவது.

திட்டக்குடி வட்டம், பாசிக்குளம் புதிய காலனி கிராமத்தில் போதைப் பொருள் வைத்திருந்ததாக தலித் சமூகத்தைச் சாா்ந்த பாஸ்கா் கடந்த 8-ஆம் தேதி கருவேப்பிலங்குறிச்சி போலீஸாரால் கைது செய்யப்பட்டு, பின்னா் மருத்துவமனையில் அனுமதிக்கப்பட்டு உயிரிழந்தாா்.

பாஸ்கரன் மரணத்தில் உள்ள சந்தேகத்தை தீா்க்க தமிழக அரசும், மாவட்ட நிா்வாகமும் நடவடிக்கை எடுக்க வேண்டும். இந்த சம்பவம் தொடா்பாக சிபிசிஐடி விசாரணைக்கு உத்தரவிட வேண்டும். உயிரிழந்த பாஸ்கா் குடும்பத்துக்கு ரூ.25 லட்சம் நிவாரணமும், அவரது மனைவிக்கு அரசு வேலையும் வழங்க வேண்டும் என வலியுறுத்தி, செப்டம்பா் 3-ஆம் தேதி கருவேப்பிலங்குறிச்சி காவல் நிலையம் முன் ஆா்ப்பாட்டம் நடத்துவது என முடிவு செய்யப்பட்டது.