கடலோரப் பகுதிகளை தூய்மைப்படுத்தும் தினம்

கடலூா் மாவட்டம், புவனகிரி வட்டம், சாமியாா்பேட்டை கடற்கரையில் சிதம்பரம் அண்ணாமலைப் பல்கலைக்கழக கடல் வாழ் உயிரியல் உயராய்வு மையம் சாா்பில், சா்வதேச கடலோரப் பகுதிகளை தூய்மைப்படுத்தும் தினம் சனிக்கிழமை கடைப்பிடிக்கப்பட்டது.

தேசிய கடலோர ஆராய்ச்சி மையம் (சஇஇத), மத்திய புவி அறிவியல் அமைச்சகம் நிதியுதவியுடன் அண்ணாமலைப் பல்கலைக்கழக கடல்வாழ் உயிரியல் உயராய்வு மையம், சுற்றுச்சூழல் தகவல், விழிப்புணா்வு, வாழ்வாதார திட்டம், மத்திய வன மற்றும் காலநிலை மாற்ற அமைச்சகத்துடன் இணைந்து இந்த நிகழ்ச்சியை நடத்தியது.

கடல் அறிவியல் புல முதல்வா் பி.சவுந்திரபாண்டியன் தூய்மைப்படுத்தும் பணியை கொடியசைத்து தொடங்கிவைத்து, கடலோரப் பகுதிகளை தூய்மைப்படுத்துவதன் அவசியம் குறித்து உரையாற்றினாா். நிகழ்ச்சியில் சாமியாா்பேட்டை மீனவ கிராம நிா்வாகத் தலைவா் நாகலிங்கம், சிலம்பிமங்கலம் ஊராட்சி மன்றத் தலைவா் அமுதா ராஜேந்திரன் மற்றும் உறுப்பினா்கள், பிச்சாவரம் வனச்சரகா் இக்பால் மற்றும் வனச்சரக அதிகாரிகள், மீன் வளத் துறை ஆய்வாளா் விஜய்வந்த், கடலோர காவல் துறை அதிகாரிகள், புதுச்சத்திர காவல் நிலைய அதிகாரிகள், தன்னாா்வ தொண்டு நிறுவனங்கள் மற்றும் தூய்மைப் பணியாளா்கள் கலந்துகொண்டனா்.

திட்ட ஒருங்கிணைப்பாளா் பி.முருகேசன், பேராசிரியா்கள் ஆனந்தன், சிவக்குமாா், தெய்வசிகாமணி, சரவணன், ஹான் சூஜி, நாட்டு நலப்பணித் திட்ட ஒருங்கிணைப்பாளா்கள் ரமேஷ், தங்கராஜ், தேசிய மாணவா் படை ஒருங்கிணைப்பாளா் விஜயானந்த், சுற்றுச்சூழல் தகவல் மையம் மற்றும் வாழ்வாதார திட்ட ஊழியா்கள், கடல் வாழ் உயிரியல் உயராய்வு மைய ஆராய்ச்சி மாணவா்கள், முதுநிலை, இளநிலை மாணவா்கள் உள்ளிட்டோா் கலந்துகொண்டு கடலோரப் பகுதிகளை சுத்தப்படுத்துவதன் முக்கியத்துவத்தை எடுத்துரைத்தனா்.

தூய்மைப்படுத்தும் பணியில் சுமாா் 300-க்கும் மேற்பட்டோா் பங்குபெற்றனா். சாமியாா்பேட்டை கடற்கரையில் இருந்த சுமாா் ஆயிரம் கிலோ மக்கும் மற்றும் மக்காத குப்பைகளை தனித்தனியே சேகரித்தனா். மேற்கண்ட குப்பைகளை சிலம்பிமங்களம் ஊராட்சியைச் சோ்ந்த தூய்மைப் பணியாளா்கள் எடுத்துச் சென்றனா். கோபாலகிருஷ்ணன் நன்றி கூறினாா்.