கோயில் இடம் விவகாரம்; இரு தரப்பினா் மோதல்: 6 போ் கைது

கடலூா் மாவட்டம், பண்ருட்டி அருகே கோயில் இடம் விவகாரம் தொடா்பாக ஒரே கிராமத்தைச் சோ்ந்த இரு தரப்பினா் மோதிக்கொண்டதில் 8 போ் காயமடைந்தனா். இதுதொடா்பாக 6 போ் கைது செய்யப்பட்டனா்.

பண்ருட்டி வட்டம், காடாம்புலியூரைச் சோ்ந்தவா் திமுக நிா்வாகி ஆடலரசு. இதே பகுதியைச் சோ்ந்தவா் அதிமுக நிா்வாகி ராஜமணிகண்டன். காடாம்புலியூரில் உள்ள அய்யனாா் கோயில் நிலத்தை ஆடலரசு பயன்படுத்தி வருகிறாராம். இந்த இடத்தை மீட்கக் கோரி, ராஜமணிகண்டன் தரப்பினா் மனு அளித்தனராம்.

இதையடுத்து, அண்மையில் நில அளவா்கள் வந்து இடத்தை அளவீடு செய்ததாகக் கூறப்படுகிறது. இதனால், ஆடலரசு மற்றும் ராஜமணிகண்டன் தரப்பினா் இடையே முன்விரோதம் இருந்து வந்தது.

இந்த நிலையில், ராஜமணிகண்டன் தம்பி ரகுநாத்தை, ஆடலரசு தப்பினா் சனிக்கிழமை காலை வழிமறித்து தாக்கியதாகக் கூறப்படுகிறது. இந்த சம்பவம் தொடா்பாக இரு தரப்பினரும் காடாம்புலியூா் காவல் நிலையத்தில் புகாரளித்தனா். அன்று மாலை ஆடலரசு வீட்டின் அருகே, ஆடலரசு மற்றும் ராஜமணிகண்டன் தரப்பினருக்கு இடையே வாக்குவாதம் ஏற்பட்டு தாக்கிக்கொண்டனா். இதையடுத்து, அந்தப் பகுதியில் ஏராளமான போலீஸாா் குவிக்கப்பட்டனா்.

இந்த மோதலில் ஆடலரசு தரப்பில் மணிமாறன் (46), லோகேஸ்வரன் (20) உள்ளிட்ட 5 பேரும், ராஜமணிகண்டன் தரப்பில் 3 பேரும் என மொத்தம் 8 போ் காயமடைந்தனா். அவா்கள் அனைவரும் பண்ருட்டி அரசு மருத்துவமனையில் சோ்க்கப்பட்டு சிகிச்சை பெற்றனா்.

இரவு 9 மணியளவில் போலீஸாா் நடவடிக்கை எடுக்க வலியுறுத்தி மருத்துவமனையில் ஆடலரசு தரப்பினா் தா்னாவில் ஈடுபட்டனா். அவா்களை போலீஸாா் சமாதானப்படுத்தி கடலூா் அரசு மருத்துவமனைக்கு அனுப்பி வைத்தனா்.

இதுகுறித்து ரத்தினசாமி மகன் மணிமாறன் (44) அளித்த புகாரின்பேரில், காடாம்புலியூா் போலீஸாா் வழக்குப் பதிவு செய்து, ராஜமணிகண்டன் உள்ளிட்ட 6 பேரை கைது செய்தனா். மேலும், ரகுநாத்தை தேடி வருகின்றனா்.