பருவம் தவறிய மழை: எள் பயிா்கள் பாதிப்பு

கடலூா் மாவட்டத்தில் அண்மையில் பெய்த பருவம் தவறிய மழையால் குறிஞ்சிப்பாடி பகுதியில் சாகுபடி செய்யப்பட்டுள்ள எள் பயிா்கள் பாதிக்கப்பட்டுள்ளதாக விவசாயிகள் தெரிவித்தனா்.

குறிஞ்சிப்பாடி வட்டார விவசாயிகள் சம்பா நெல் அறுவடைக்குப் பின்னா் எள் விதைப்பு செய்திருந்தனா். எள் பயிா்கள் நன்கு செழித்து வளா்ந்திருந்த நிலையில், அண்மையில் பெய்த பருவம் தவறிய மழையால் அவை பாதிக்கப்பட்டுள்ளன.

இதுகுறித்து அயன்குறிஞ்சிப்பாடி விவசாயி ஆா்.கே.ராமலிங்கம் கூறியதாவது: கடந்த இரண்டு நாள்களாக குறிஞ்சிப்பாடி பகுதியில் பெய்த பருவம் தவறிய பலத்த மழையால் குறிஞ்சிப்பாடி வடக்கு பகுதியில் மட்டும் சுமாா் 60 ஏக்கரில் விதைத்திருந்த எள் பயிா்கள் முற்றிலுமாக சேதமடைந்துள்ளன. மூன்று நாள் முதல் 30 நாள்கள் வயதுடைய அனைத்து எள் பயிா்களும் பாதிப்படைந்துள்ளன.

இதைத் தவிர, குறிஞ்சிப்பாடி தெற்கு, வரதராசன்பேட்டை, குருவப்பன்பேட்டை, ரெட்டிப்பாளையம் போன்ற பகுதிகளிலும் எள் பயிா்கள் பாதிக்கப்பட்டுள்ளன.

எனவே, வேளாண் துறையினா் எள் பயிா்கள் பாதிப்பை பாா்வையிட்டு, மாவட்ட நிா்வாகம், வேளாண் துறைக்கு தகவல் தெரிவித்து விவசாயிகளுக்கு நிவாரணம் கிடைக்க உரிய நடவடிக்கை எடுக்க வேண்டும் என்றாா்.