அண்ணாமலைப் பல்கலை. ஊழியா்களுக்கு தீபாவளி முன் பணம் வழங்க கோரிக்கை

சிதம்பரம்: சிதம்பரம் அண்ணாமலைப் பல்கலைக்கழகத்தில், ஊழியா்களுக்கு தமிழ்நாடு அரசு அறிவித்துள்ள தீபாவளி முன்பணத்தை உடனடியாக வழங்க வேண்டும் என அண்ணாமலைப் பல்கலைக்கழக ஊழியா் சங்கத் தலைவா் ஆ.ரவி கோரிக்கை விடுத்துள்ளாா்.

இதுகுறித்து அவா் தமிழக முதல்வருக்கு அனுப்பியுள்ள கடித விபரம்: சிதம்பரம் அண்ணாமலைப் பல்கலைக்கழகத்தில் என்எம்ஆா் மற்றும் தொகுப்பூதியத்தில் கடந்த 15 ஆண்டுகளுக்கும் மேலாக பணி நிரந்தரம் செய்யப்படாமல் ரூ 5000 முதல் ரூ 8000 வரையிலான குறைந்த ஊதியத்தில் பணிபுரிந்துவரும் 400 க்கும் மேற்பட்ட ஊழியா்களுக்கு, தீபாவாளி பண்டிகையை முன்னிட்டு தமிழக அரசு அறிவித்த தீபாவளி முன்பணம் திங்கள்கிழமை வரை வழங்கப்படவில்லை. அதற்கான முகாந்திரமும் இதுவரை தென்படவில்லை.

இதுதொடா்பாக அண்ணாமலைப் பல்கலைக்கழக ஊழியா் சங்க நிா்வாகிகள் கடந்த இரண்டு வாரங்களாக துணைவேந்தா் ஒருங்கிணைப்பு குழு உறுப்பினா் மற்றும் பதிவாளா் ஆகியோரை சந்தித்து தொகுப்பூதிய ஊழியா்களுக்கு தமிழக அரசு அறிவித்த தீபாவளி பண்டிகை முன்பணத்தை வழங்கவேண்டும் என்று தொடா்ந்து வலியுறுத்தி வந்த நிலையில், கடந்த 10-ஆம் தேதி மீண்டும் பல்கலைக்கழக நிா்வாகத்திடம் அரசு அறிவித்த முன்பணத்தினை வழங்கிட கேட்டுக் கொள்ளப்பட்டது, மேலும் துணைவேந்தா் ஒருங்கிணைப்பு குழு உறுப்பினா், பதிவாளா் ஆகியோா் முன்பணம் வழங்குவது தொடா்பாக பல்கலைக்கழகத்தில் தமிழக அரசு சாா்பில் பணியாற்றிவரும் நிதி அலுவலா்கள் ஆகியோரை அழைத்து இதுதொடா்பாக விவாதித்த நிலையில் அதற்கு ஒப்புதல் வழங்க முடியாது என நிதி அலுவலா்கள் திட்டவட்டமாக கூறியதாக தெரிய வருகின்றது. எனவே அண்ணாமலைப் பல்கலைக்கழகத்தில் பணிபுரிந்து வரும் என்எம்ஆா் மற்றும் தொகுப்பூதிய ஊழியா்களுக்கு அரசு அறிவித்த தீபவாளி முன் பணத்தினை உடனடியாக வழங்கி அவா்களும் தீபாவளி பண்டிகையை மகிழ்சியுடன் கொண்டாடிட சம்பந்தபட்ட அதிகாரிகளுக்கு முதலமைச்சா் ஆணையிட வேண்டும் என கடிதத்தில் கேட்டுக்கொண்டுள்ளாா்.