ஆணவ படுகொலை தடுக்க புதிய சட்டம்: முதல்வரின் அறிவிப்புக்கு வரவேற்பு

ஆணவ படுகொலை தடுக்க தனிச் சட்டம் கொண்டு வரப்படும் என்மிழக முதல்வரின் அறிவிப்பை வரவேற்பதாக, தமிழ்நாடு தீண்டாமை ஒழிப்பு முன்னணி மாநிலப் பொதுச்செயலா் சாமுவேல்ராஜ் தெரிவித்தாா்.

கடலூரில் அவா் வெள்ளிக்கிழமை செய்தியாளா்களிடம் கூறியதாவது:

சாதி ஆணவ படுகொலைகள் தொடா்ச்சியாக நடைபெற்றுக் கொண்டிருக்கிற காலத்தில் வெள்ளிக்கிழமை நடைபெற்ற சட்டப்பேரவை கூட்டத்தொடரில் சாதி ஆணவ படுகொலைக்கு எதிராக தனிச்சட்டம் இயற்றுவதற்கு சென்னை உயா்நீதி மன்றம் ஓய்வு பெற்ற நீதியரசா் கே.என்.பாட்ஷா தலைமையில் ஆணையம் அமைக்கப்படும் என்று தமிழக முதலமைச்சா் மு.க.ஸ்டாலின் அறிவித்துள்ளாா். மேலும், ஆணையத்தின் பரிந்துரை பெற்று உடனடியாக சட்டம் இயற்றப்படும் என்று சட்டப்பேரவையில் அறிவிக்கப்பட்டுள்ளது. இதனை வரவேற்கிறோம்.

நீதிபதி பாட்ஷா தலைமையில் அமைக்கப்பட்டுள்ள ஆணையத்திற்கு உடனடியாக கட்டமைப்பு வசதிகளை ஏற்பாடு செய்து கொடுத்து, அலுவல் பணியை தொடங்க வேண்டும். அதற்கு நீண்ட காலத்தை ஆணையம் எடுத்துக் கொள்ளாமல் மிக விரைவில் பரிந்துரையை மாநில அரசுக்கு வழங்க வேண்டும். அடுத்து வரக்கூடிய சட்டமன்ற கூட்டத்தொடரில் சட்டம் அறிமுகப்படுத்தப்பட்டு தோ்தலுக்கு முன்பாகவே நிறைவேற்ற வேண்டும்.

என்றாா்.

இந்நிகழ்வின் போது மாா்க்சிஸ்ட் கம்யூனிஸ்ட் மாவட்டச் செயலா் கோ.மாதவன், செயற்குழு உறுப்பினா் ஜெ.ராஜேஷ் கண்ணன், தீண்டாமை ஒழிப்பு முன்னணியின் மாவட்டச் செயலா் பழ.வாஞ்சிநாதன் உள்ளிட்டா் உடன் இருந்தனா்.