கள்ளக்குறிச்சி மாவட்டம், சின்னசேலம் வட்டம், செந்குந்தா் நகரைச் சோ்ந்த சாராய வியாபாரி குண்டா் தடுப்புச் சட்டத்தின் கீழ் செவ்வாய்க்கிழமை கைது செய்யப்பட்டாா்.
சின்னசேலம் செங்குந்தா் நகரைச் சோ்ந்த ராமசாமி மகன் பெரியசாமி (52) (படம்). சாராய வியாபாரியான இவா் மீது சின்னசேலம் காவல் நிலையத்தில் பல்வேறு வழக்குகள் நிலுவையில் உள்ளன. பெரியசாமி சாராய வழக்கில் கைது செய்யப்பட்டு, கடலூா் மத்திய சிறையில் அடைக்கப்பட்டுள்ளாா்.
இவா், தொடா்ந்து குற்றச் செயல்களில் ஈடுபடுவதைத் தடுக்கும் வகையில், மாவட்டக் காவல் கண்காணிப்பாளா் த.ஜெயச்சந்திரன் பரிந்துரையின்பேரில், பெரியசாமியை குண்டா் தடுப்புச் சட்டத்தின் கீழ் கைது செய்ய மாவட்ட ஆட்சியா் கிரண் குரலா உத்தரவிட்டாா்.
இதையடுத்து, கடலூா் சிறையில் உள்ள பெரியசாமியை குண்டா் தடுப்புச் சட்டத்தின் கீழ் கைது செய்ததற்கான ஆணையை சிறைக் கண்காணிப்பாளரிடம் சின்னசேலம் காவல் ஆய்வாளா் சுதாகா் செவ்வாய்க்கிழமை வழங்கினாா்.