கள்ளக்குறிச்சியில் மோட்டாா் சைக்கிளை திருடியதாக இளைஞரை போலீஸாா் சனிக்கிழமை கைது செய்தனா்.
கள்ளக்குறிச்சியை அடுத்த உலகங்காத்தான் கிராமத்தைச் சோ்ந்த அங்கமுத்து மகன் சங்கா் (32). இவா், கள்ளக்குறிச்சி கச்சேரி சாலையில் உள்ள தனியாா் மதுக் கடையில் பணிபுரிந்து வருகிறாா்.
சங்கா் கடந்த 2-ஆம் தேதி தான் பணிபுரியும் மதுக் கடையின் அருகிலுள்ள வங்கியின் முன் தனது மோட்டாா் சைக்கிளை நிறுத்தினாா். இதை மா்ம நபா் திருடிச் சென்றுவிட்டாா். இதுகுறித்த புகாரின்பேரில் கள்ளக்குறிச்சி போலீஸாா் வழக்குப் பதிவு செய்து விசாரித்து வந்தனா்.
இந்த நிலையில், கள்ளக்குறிச்சி காவல் நிலைய ஆய்வாளா் தங்க.விஜய்குமாா் தலைமையிலான போலீஸாா் மந்தைவெளி பகுதியில் சனிக்கிழமை ரோந்துப் பணியில் ஈடுபட்டனா். அப்போது, மோட்டாா் சைக்கிளுடன் சந்தேகத்துக்கிடமான வகையில் நின்றிருந்த இளைஞரைப் பிடித்து போலீஸாா் விசாரித்தபோது, கல்வராயன்மலை சோத்தூா் கிராமத்தைச் சோ்ந்த சுந்தரம் மகன் அசோக் (21) என்பதும், சங்கரின் மோட்டாா் சைக்கிளை அவா் திருடியதும் தெரியவந்தது.
மேலும், மோட்டாா் சைக்கிளை விற்பனை செய்வதற்காக கள்ளக்குறிச்சிக்கு வந்ததாக அசோக் தெரிவித்தாராம். இதையடுத்து, மோட்டாா் சைக்கிளை பறிமுதல் செய்த போலீஸாா், அவரை கைது செய்தனா்.