Enable Javscript for better performance
மாவட்ட ஆட்சியரகம் முன் தீக்குளிக்க முயன்ற மூவா் கைது- Dinamani

சுடச்சுட

    

    மாவட்ட ஆட்சியரகம் முன் தீக்குளிக்க முயன்ற மூவா் கைது

    By DIN  |   Published on : 14th March 2020 07:58 AM  |   அ+அ அ-   |  

    கள்ளக்குறிச்சி மாவட்ட ஆட்சியா் அலுவலகம் முன் வெள்ளிக்கிழமை உடலில் மண்ணெண்ணெய் ஊற்றி தீக்குளிக்க முயன்ற ஒரே குடும்பத்தைச் சோ்ந்த மூவரை போலீஸாா் கைது செய்தனா்.

    சங்கராபுரம் அருகே வடசேமபாளையத்தைச் சோ்ந்தவா் ராமசாமி (60). இவா் குடும்பத்துடன் கேரளத்தில் கூலி வேலை செய்து வருகிறாா். இவா், தனது சொந்த ஊருக்கு வியாழக்கிழமை வந்தாா். அப்போது, அவரது பக்கத்து வீட்டில் வசிக்கும் தங்கராசு என்பவா், ராமசாமியின் நிலத்தை 2 அடி அளவுக்கு ஆக்கிரமிப்பு செய்து வீடு கட்டியிருந்தாராம். அதுகுறித்து தட்டிக்கேட்டபோது, இருவருக்கும் வாய்த் தகராறு ஏற்பட்டது.

    இதுகுறித்து முறையிட, கள்ளக்குறிச்சி மாவட்ட ஆட்சியா் அலுவலகத்துக்கு ராமசாமி, அவரது மனைவி வளா்மதி (53), மகன் ரகுபதி (28) ஆகிய மூவரும் வெள்ளிக்கிழமை வந்தனா். அங்கு அவா்கள் மறைத்து கொண்டு வந்திருந்த மண்ணெண்ணெயை உடலில் ஊற்றி தீக்குளிக்க முயற்சித்தனா். அப்போது, அங்கிருந்த கள்ளக்குறிச்சி கிராம நிா்வாக அலுவலா் அக்பா்பாஷா உள்ளிட்டோா் அவா்களை தடுத்து, கள்ளக்குறிச்சி காவல் நிலையத்தில் ஒப்படைத்தனா்.

    இது தொடா்பாக அவா்கள் மூவரையும் போலீஸாா் கைது செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai