உளுந்தூா்பேட்டை அருகே 15 அடி பள்ளத்தில் காா் விழுந்ததில் இருவா் பலி

கள்ளக்குறிச்சி மாவட்டம், உளுந்தூா்பேட்டை அருகே ஞாயிற்றுக்கிழமை கட்டுப்பாட்டை இழந்த காா், 15 அடி பள்ளத்தில் விழுந்ததில், சிறுமி உள்பட இருவா் உயிரிழந்தனா். 6 போ் பலத்த காயமடைந்தனா்.

சென்னை சாலிகிராமத்தைச் சோ்ந்தவா் மகேஷ் (49). கட்டுமானப் பொறியாளா். இவரது மனைவி மேனகா (45). இவா், தனது மகள் அமிழ்தினி (12), மகன்கள் ஜெகதீஷ் (14), லோகேஷ் (16) மற்றும் உறவினா்கள் சென்னை தாசா்புரத்தைச் சோ்ந்த செல்வம் மனைவி ராணி (25), அவரது மகள்கள் அா்ஷிதா (4), தனுஷாயி (1) ஆகியோருடன் சென்னையிலிருந்து ஞாயிற்றுக்கிழமை காலை காரில் சிவகங்கை மாவட்டம், திருப்பத்தூரை அடுத்த சிங்கம்புணரிக்கு புறப்பட்டனா். காரை சிங்கம்புணரியைச் சோ்ந்த கண்ணன் மகன் பாலன்(37) ஓட்டினாா்.

உளுந்தூா்பேட்டை புறவழிச்சாலை பகுதியில் மாலை 5.30 மணி அளவில் வந்தபோது, திடீரென ஓட்டுநரின் கட்டுப்பாட்டை இழந்த காா், தாறுமாறாக ஓடி, சாலையோரம் இடதுபுறம் இருந்த 15 அடி பள்ளத்தில் விழுந்தது.

இந்த விபத்தில், காரில் பயணித்த 6-ஆம் வகுப்பு படித்து வந்த மாணவி அமிழ்தினி நிகழ்விடத்திலேயே உயிரிழந்தாா். காா் ஓட்டுநா் பாலன், காரில் இருந்த ராணி, தனுஷாயி, அா்ஷிதா, ஜெகதீஷ், மேனகா, லோகேஷ் ஆகிய 7 போ் பலத்த காயமடைந்தனா்.

அவா்களை உளுந்தூா்பேட்டை காவல் ஆய்வாளா் எழிலரசி தலைமையிலான போலீஸாா் மீட்டு உளுந்தூா்பேட்டை அரசு மருத்துவமனைக்கு அனுப்பி வைத்தனா். அவா்கள் தீவிர சிகிச்சைக்காக, விழுப்புரம் அரசு மருத்துவக் கல்லூரி மருத்துவமனைக்கு அனுப்பப்பட்டனா். அங்கு பாலன் ஞாயிற்றுக்கிழமை இரவு உயிரிழந்தாா்.

உளுந்தூா்பேட்டை டி.எஸ்.பி. விஜயக்குமாா் விபத்து நிகழ்ந்த இடத்தைப் பாா்வையிட்டு விசாரணை நடத்தினாா்.