கோவாவில் தவித்த ரிஷிவந்தியம் தொழிலாளா்கள் சொந்த ஊா் திரும்பினா்

விழுப்புரம்: கோவா மாநிலத்தில் தவித்து வந்த ரிஷிவந்தியம் பகுதிகளைச் தொழிலாளா்கள் இரண்டு பேருந்துகளில் சொந்த ஊா்களுக்குத் திரும்பினா்.

கள்ளக்குறிச்சி மாவட்டம், ரிஷிவந்தியம் அருகே உள்ள அரும்பராம்பட்டு, மூங்கில்துறைப்பட்டு, எல்லப்பனூா், ரங்கப்பனூா், ஆதி திருவரங்கம், ஜம்பை உள்ளிட்ட கிராமங்களைச் சோ்ந்த 100-க்கும் மேற்பட்ட தொழிலாளா்கள், கோவா மாநிலம், மாலிம்ஜெட்டி பகுதியில் தங்கி மீன் சந்தையில் வேலை பாா்த்து வந்தனா்.

கரோனா தடுப்பு பொது முடக்கத்தால் வேலையிழந்து உணவு, அடிப்படை வசதிகளின்றியும், சொந்த ஊா்களுக்கு திரும்ப வழியின்றியும் தொழிலாளா்கள் தவித்தனா். இதுகுறித்து செய்தி வெளியானதையடுத்து, கள்ளக்குறிச்சி மாவட்ட ஆட்சியா் கிரண் குராலா உள்ளிட்டோா், கோவா வடக்கு மாவட்ட ஆட்சியா் மேனகாவிடம் பேசினாா். அவா் தொழிலாளா்களை நேரில் சந்தித்து உணவு, அடிப்படை வசதிகளுக்கு ஏற்பாடு செய்தாா்.

தொழிலாளா்கள் அவா்களது சொந்த ஊா்களுக்குச் செல்ல கோவா வடக்கு மாவட்ட நிா்வாகம் அண்மையில் அனுமதியளித்தது.

அரும்பராம்பட்டு முன்னாள் ஊராட்சித் தலைவா் தேவேந்திரன் தலைமையிலான 50 தொழிலாளா்கள் பேருந்து மூலம் ஞாயிற்றுக்கிழமை ரிஷிவந்தியம் வந்தனா். கள்ளக்குறிச்சி, கோவா மாவட்ட ஆட்சியா்கள் மற்றும் நிதியுதவியளித்த ரிஷிவந்தியம் தொகுதி எம்எல்ஏ காா்த்திகேயன் ஆகியோருக்கு தொழிலாளா்கள் நன்றி தெரிவித்தனா். மேலும், 25 போ் கோவாவிலிருந்து விரைவில் சொந்த ஊா்களுக்கு திரும்ப நடவடிக்கை மேற்கொள்ளப்பட்டு வருகிறது.