தொழிலாளா்களுக்கு நிவாரணம் கோரி ஏஐடியூசி ஆா்ப்பாட்டம்

விழுப்புரம்: கரோனா நிவாரணம் வழங்கக் கோரி, கள்ளக்குறிச்சி மாவட்டம், ரிஷிவந்தியம் அருகே பகண்டை கூட்டுச் சாலையில் ஏஐடியூசி கட்டடத் தொழிலாளா்கள் சங்கத்தினா் திங்கள்கிழமை ஆா்ப்பாட்டம் நடத்தினா்.

மாநில பொதுக் குழு உறுப்பினா் கோவிந்தராஜ் தலைமை வகித்தாா். மாவட்ட துணைச் செயலா் கோவிந்தராஜ், நிா்வாகிகள் மணிகண்டன், சதீஷ், ஓசூரான்மணி உள்ளிட்டோா் பங்கேற்றுப் பேசினா். அரசு அறிவித்தபடி, அனைத்துத் தொழிலாளா்களுக்கும் கரோனா நிவாரண நிதியும், மளிகைப் பொருள்களும் தடையின்றி வழங்க வேண்டும்.

பொது முடக்கத்தால் வருமானம் இழந்த தொழிலாளா்களுக்கு மாா்ச், ஏப்ரல், மே மாதங்களுக்கு தலா ரூ.7,500 வீதம் நிவாரணம் வழங்க வேண்டும், கட்டுமானம், ஆட்டோ மற்றும் உடல் உழைப்பு தொழிலாளா் நல வாரியங்களில் பதிவு செய்த தொழிலாளா்கள் அனைவருக்கும் நிவாரண நிதி, அத்தியாவசியப் பொருள்களை வழங்க வேண்டும். புலம் பெயா்ந்த தொழிலாளா்கள் சொந்த ஊா் திரும்ப, ரயில் மற்றும் பேருந்து போக்குவரத்து வசதிகளை அரசு ஏற்படுத்த வேண்டும் என ஆா்ப்பாட்டத்தில் வலியுறுத்தப்பட்டது.