கள்ளக்குறிச்சி மாவட்டம், சங்கராபுரம் அருகே மோட்டாா் சைக்கிளில் சென்ற கிராம நிா்வாக அலுவலா், டிராக்டா் சக்கரத்தில் சிக்கி திங்கள்கிழமை உயிரிழந்தாா்.
சேலம் மாவட்டம், கெங்கவல்லி பகுதியைச் சோ்ந்தவா் கலைமணி மகன் நவநீதம் (25). இவா், கள்ளக்குறிச்சி மாவட்டம், சங்கராபுரம் அருகேயுள்ள மணலூரில் கிராம நிா்வாக அலுவலராகப் பணிபுரிந்து வந்தாா்.
இவா் திங்கள்கிழமை மாலை மோட்டாா் சைக்கிளில் அருளம்பாடியில் இருந்து மேல்சிறுவள்ளூா் நோக்கி சென்று கொண்டிருந்தாா். அப்போது, முன்னால் கரும்பு பாரம் ஏற்றிச் சென்ற வாகனத்தை முந்திச் செல்ல முயன்றாா். இதில், நிலைதடுமாறி சாலையில் விழுந்த அவா் மீது, டிராக்டரின் சக்கரம் ஏறியது. இதில் பலத்த காயமடைந்த அவா், உடனடியாக கள்ளக்குறிச்சி அரசு மருத்துவமனைக்கு அழைத்துச் செல்லப்பட்டாா். அங்கு பரிசோதித்த மருத்துவா், நவநீதம் வழியிலேயே உயிரிழந்து விட்டதாகத் தெரிவித்தாா்.
மூங்கில்துைப்பட்டு போலீஸாா் வழக்குப் பதிவு செய்து டிராக்டா் ஓட்டுநரிடம் விசாரணை மேற்கொண்டுள்ளனா்.