கள்ளக்குறிச்சி அருகே உணவை உண்ண மறுத்த சிறுமி, குச்சியால் தாக்கப்பட்டதில் செவ்வாய்க்கிழமை உயிரிழந்தாா். இதுதொடா்பாக, அவரது சித்தியை போலீஸாா் கைது செய்தனா்.
கள்ளக்குறிச்சி அருகே மேல்விழி கிராமத்தைச் சோ்ந்தவா் ரொசாரியோ (45). இவரது மனைவி ஜெயராணி. இவா்களுக்கு ரென்ஸிமேரி என்ற 5 வயதில் மகள் உள்ளாா். ஜெயராணி கடந்த 3 ஆண்டுகளுக்கு முன்பு உயிரிழந்துவிட்டாா். இதையடுத்து, ரொசாரியோ வேறொரு பெண்ணை திருமணம் செய்து கொண்டு, பெங்களூரில் வசித்து வருகிறாா். ரென்ஸிமேரியை ஜெயராணியின் தாய் பச்சையம்மாள், மேல்விழி கிராமத்தில் உள்ள தனது வீட்டில் வளா்த்து வருகிறாா். ஜெயராணியின் சகோதரி ஆரோக்கியமேரி (35). இவா் திருமணமாகாத நிலையில், தனது தாயுடனே வசித்து வருகிறாா்.
செவ்வாய்க்கிழமை காலை ரென்ஸிமேரிக்கு ஆரோக்கியமேரி இட்லி வாங்கிக் கொடுத்தாா். உணவு நன்றாக இல்லை எனக் கூறி அதை சாப்பிட சிறுமி மறுத்துவிட்டாா். இதனால், ஆத்திரமடைந்த ஆரோக்கியமேரி, சிறுமியை குச்சியால் தாக்கினாராம். வலிதாங்க முடியாமல் கதறி அழுத அந்த சிறுமி மூச்சுத் திணறல் ஏற்பட்டு மயங்கினாா்.
உடனடியாக அவா் கள்ளக்குறிச்சி அரசு மருத்துவக் கல்லூரி மருத்துவமனையில் அனுமதிக்கப்பட்டாா். அங்கு பரிசோதித்த மருத்துவா், சிறுமி ஏற்கெனவே உயிரிழந்து விட்டதை உறுதி செய்தாா்.
இதுகுறித்து அந்தியூா் கிராம நிா்வாக அலுவலா் கா.கண்ணன் அளித்த புகாரின்பேரில், தியாகதுருகம் போலீஸாா் கொலை வழக்குப் பதிந்து, ஆரோக்கியமேரியை கைது செய்தனா்.