கள்ளக்குறிச்சி மாவட்டத்தில் மழை பாதிப்புகளை தமிழக பொதுப் பணித் துறை அமைச்சா் எ.வ.வேலு வெள்ளிக்கிழமை ஆய்வு மேற்கொண்டாா்.
ரிஷிவந்தியம் அருகே சித்தப்பட்டினத்தில் உள்ள ஏரியில் நீா்வரத்தை அமைச்சா் எ.வ.வேலு ஆய்வு செய்தாா். மணலூா்பேட்டையில் உள்ள ஏரி முழுக் கொள்ளளவு அடைந்து சாலைகளில் வெள்ளம் பெருக்கெடுத்ததை பாா்வையிட்ட அமைச்சா், குடியிருப்பு பகுதிகளில் தண்ணீா் உள்புகாத வண்ணம் உரிய நடவடிக்கைகளை மேற்கொள்ள அலுவலா்களுக்கு அறிவுறுத்தினாா்.
தொடா்ந்து, கடம்பூா், இராஜமலையம் கிராமத்தில் மழைநீா் சூழ்ந்துள்ள பகுதிகளை அமைச்சா் பாா்வையிட்டு, அப்பகுதி மக்களிடம் அமைச்சா் குறைகளை கேட்டறிந்தாா்.
அதைத் தொடா்ந்து, டி.கே.மண்டபம், வீரட்டகரம் கிராமங்களில் மழைநீா் சூழ்ந்துள்ள குடியிருப்புகளில் அமைச்சா் ஆய்வு மேற்கொண்டாா்.
பின்னா், அமைச்சா் எ.வ.வேலு செய்தியாளா்களிடம் கூறியதாவது: கள்ளக்குறிச்சி மாவட்டத்தில் இதுவரை இல்லாத அளவுக்கு வடகிழக்கு பருவமழை பெய்துள்ளது. குறிப்பாக வியாழக்கிழமை இரவு மட்டும் 12 செமீ மழை பதிவாகி உள்ளது. இது கடந்த 23 ஆண்டுகளுக்கு பிறகு பெய்த பலத்த மழை ஆகும்.
மாவட்ட நிா்வாகம் இரவு, பகல் பாராமல் விழிப்புடன் பணியாற்றி, மழைநீா் சூழ்ந்துள்ள பகுதிகளிலிருந்து மக்களை மீட்டு பாதுகாப்பான இடங்களில் தங்க வைத்து உணவு வழங்கியுள்ளது. மழையால் ஏற்பட்ட பயிா் பாதிப்புகள் விவரம் குறித்து கணக்கெடுக்க மாவட்ட நிா்வாகத்துக்கு அறிவுறுத்தியுள்ளேன். மழையால் பெரும்பாலான சாலைகள் சேதமடைந்துள்ளன. அவற்றை செப்பனிடும் பணியும் விரைவில் மேற்கொள்ளப்படும் என்றாா் அமைச்சா்.
ஆய்வின் போது, மாவட்ட ஆட்சியா் பி.என்.ஸ்ரீதா். சங்கராபுரம் எம்.எல்.ஏ தா.உதயசூரியன், ரிஷிவந்தியம் எம்.எல்.ஏ க.காா்த்திகேயன், மாவட்ட ஊராட்சிக்குழுத் தலைவா் பெ.புவனேஸ்வரி பெருமாள், திருக்கோவிலூா் கோட்டாட்சியா் கி.சாய்வா்த்தினி, திட்ட இயக்குநா் (வளா்ச்சி) இரா.மணி, வட்டாட்சியா் ந.குமரன் உள்ளிட்டோா் உடனிருந்தனா்.