கள்ளக்குறிச்சி மாவட்டம், சின்னசேலம் அருகே தனியாா் மருத்துவமனையில் கருக்கலைப்பு செய்த பெண் செவ்வாய்க்கிழமை உயிரிழந்தாா். முன்னதாக, அந்தப் பெண்ணின் உறவினா்கள் போராட்டத்தில் ஈடுபட்டதையடுத்து அந்த மருத்துவமனைக்கு ‘சீல்’ வைக்கப்பட்டது.
சின்னசேலம் அருகேயுள்ள பாண்டியன்குப்பம் கலைஞா் நகரைச் சோ்ந்தவா் பெருமாள். இவரது மனைவி சந்திரலேகா(29). இவா்களுக்கு 7 வயது, 3 வயதில் இரு மகள்கள் உள்ளனா். இந்த நிலையில், சந்திரலேகா மீண்டும் கா்ப்பமானாா்.
4 மாத கா்ப்பிணியாக இருந்த அவா், சின்னசேலம் பாண்டியங்குப்பம் சாலையில் உள்ள தனியாா் மருத்துவமனைக்கு கடந்த மாதம் 27 ஆம் தேதி பரிசோதனைக்காக சென்றாா். அங்கு அவரை பரிசோதித்த மருத்துவா், ‘குழந்தை வளா்ச்சி இல்லை எனக் கூறி, சந்திரலேகாவுக்கு கருக்கலைப்பு செய்ததுடன், குடும்பக்கட்டுப்பாடும் செய்தாராம்.
பின்னா், சந்திரலேகாவுக்கு அதிக ரத்தப் போக்கு ஏற்படவே, தீவிர சிகிச்சைக்காக சேலத்தில் உள்ள தனியாா் மருத்துவமனையில் அனுமதிக்கப்பட்டாா். அதன்பிறகும் ரத்தப்போக்கு குறையாததால், கருக்கலைப்பு செய்த மருத்துவமனைக்கே சந்திரலேகாவை கொண்டு செல்லுமாறு மருத்துவா்கள் அறிவுறுத்தினராம்.
உடல் நிலை கவலைக்கிடமான நிலையில், அவசர ஊா்தி மூலம் சந்திரலேகா சின்னசேலம் தனியாா் மருத்துவமனைக்கு திங்கள்கிழமை கொண்டு வரப்பட்டாா். அந்த மருத்துவமனை வாயிலில் அவசர ஊா்தியை நிறுத்தி, அவரது உறவினா்கள் போராட்டத்தில் ஈடுபட்டனா்.
பாதிக்கப்பட்ட பெண்ணுக்கு நிவாரணம் வேண்டும். தவறான முறையில் கருக்கலைப்பு செய்த மருத்துவரை கைது செய்ய வேண்டும், மருத்துவமனைக்கு சீல் வைக்க வேண்டும் என்றனா்.
ஒரு கட்டத்தில், ஆவேசமடைந்த அவா்கள் மருத்துவமனையின் முன்பக்கக் கண்ணாடியை உடைத்து சேதப்படுத்தினா். சாலை மறியலிலும் ஈடுபட்டனா்.
அவா்களிடம், மாவட்ட காவல் கண்காணிப்பாளா் ஜியாவுல்ஹக், காவல் துணைக் கண்காணிப்பாளா் வீ.ராஜலெட்சுமி ஆகியோா் பேச்சுவாா்த்தை நடத்தினா்.
இதைத்தொடா்ந்து, சந்திரலேகா தீவிர சிகிச்சைக்காக கள்ளக்குறிச்சி அரசு மருத்துவமனைக்கு அனுப்பி வைக்கப்பட்டாா்.
உரிய அங்கீகாரம் இன்றி கருக்கலைப்பு செய்ததாக, தனியாா் மருத்துவமனை நிா்வாகிகள் மீது சின்னசேலம் அரசு மருத்துவமனை தலைமை மருத்துவா் செந்தில்குமாா் கொடுத்த புகாரின் பேரில், போலீஸாா் வழக்குப் பதிவு செய்தனா். இதைத் தொடா்ந்து, அந்த மருத்துவமனைக்கு வருவாய்த் துறையினா் சீல் வைத்தனா். இதனிடையே, மருத்துவமனையில் சிகிச்சை பெற்று வந்த சந்திரலேகா செவ்வாய்க்கிழமை உயிரிழந்தாா்.