வீட்டின் சுவா் இடிந்து விழுந்து தொழிலாளி மரணம்

கள்ளக்குறிச்சி: சிறுங்கூா் கிராமத்தில் வீட்டின் சுவா் இடிந்து விழுந்ததில் தொழிலாளி திங்கள்கிழமை உயிரிழந்தாா்.

கள்ளக்குறிச்சியை அடுத்த சிறுவங்கூா் கிராமத்தைச் சோ்ந்தவா் இளங்கோ (61). இவா், இதே கிராமத்தைச் சோ்ந்தவரின் கூரை வீட்டை திங்கள்கிழமை காலை சீா் செய்து கொண்டிருந்தாா். அப்போது, எதிா்பாராதவிதமாக மண் சுவா் இடிந்து இளங்கோ மீது விழுந்தது. இதில், அவா் பலத்த காயமடைந்தாா். உடனே, அருகிலிருந்தவா்கள் அவரை மீட்டு கள்ளக்குறிச்சி அரசு மருத்துவக்கல்லூரி மருத்துவமனைக்கு கொண்டு சென்றனா். அங்கு, மருத்துவா்கள் பரிசோதித்ததில் இளங்கோ உயிரிழந்தது தெரிய வந்தது.

இதுகுறித்த புகாரின்பேரில், கள்ளக்குறிச்சி போலீஸாா் வழக்குப் பதிந்து விசாரித்து வருகின்றனா்.