Enable Javscript for better performance
புரட்டாசி முதல் சனி: பெருமாள் கோயில்களில் சிறப்பு வழிபாடு- Dinamani

சுடச்சுட

    

    புரட்டாசி முதல் சனி: பெருமாள் கோயில்களில் சிறப்பு வழிபாடு

    By DIN  |   Published on : 18th September 2016 03:34 AM  |   அ+அ அ-   |    |  

    புரட்டாசி மாத முதல் சனிக்கிழமையை அடுத்து புதுவையில் உள்ள பெருமாள் கோயில்களில் சிறப்பு வழிபாடு நடைபெற்றது.
    புரட்டாசி மாதம் வரும் சனிக்கிழமைகளில் பெருமாளை நோக்கி விரதமிருப்பது வழக்கம். அந்த நாள்களில் பெருமாள் கோயில்களில் பக்தர்கள் கூட்டம் அதிகம் இருக்கும். அதன்படி, புரட்டாசி முதல் சனிக்கிழமையை அடுத்து புதுவையில் உள்ள பெருமாள் கோயில்களில் சிறப்புப் பூஜைகள் நடைபெற்றன.
    காந்தி வீதி வரதராஜ பெருமாள் கோயில், பாகூர் மதிகிருஷ்ணாபுரம் பட்டாபிராமர் கோயில் போன்ற கோயில்களில் அதிகாலையிலேயே நடை திறக்கப்பட்டு வழிபாடு நடைபெற்றது.
    இதேபோல, வில்லியனூர் தென்கலை வரதராஜ பெருமாள் கோயில், கூடப்பாக்கம் சீனுவாச பெருமாள் கோயில், பாகூர் லட்சுமி நரசிம்ம பெருமாள் கோயில், வீராம்பட்டினம் வரதராஜ பெருமாள் கோயில் உள்ளிட்ட கோயில்களிலும் சிறப்பு வழிபாடு நடைபெற்றது.
    இந்த சிறப்புப் பூஜைகளில் திரளமான பக்தர்கள் கலந்து கொண்டனர்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai