சிறப்பு அறிவியல் ரயில் நாளை புதுவை வருகை

காலநிலை செயல் திட்டம் தொடர்பான சிறப்பு அறிவியல் ரயில் வெள்ளிக்கிழமை புதுச்சேரி ரயில் நிலையத்துக்கு வருகிறது.
 இது இந்திய அரசின் அறிவியல் தொழில்நுட்பத் துறை, உயிரி தொழில்நுட்பத் துறை, ரயில்வே, சுற்றுச்சூழல் வனம் காலநிலை மாற்ற அமைச்சகம், விக்ரம் சாராபாய் சமூக அறிவியல் மையத்தால் இணைந்து செயல்படுத்தப்படும் திட்டமாகும்.
 16 குளிர்சாதனப் பெட்டிகள் கொண்ட இந்த ரயில் பருவநிலை மாற்றம், அறிவியல் தொழில்நுட்பத்தை அடிப்படையாகக் கொண்ட கண்காட்சியாகும்.
 காலை 10 மணி முதல் மாலை 5 மணி வரை ரயில் கண்காட்சியை பார்வையிடலாம். வெள்ளி, சனி ஆகிய 2 நாள்கள் கண்காட்சியை இலவசமாக காணலாம்.
 அதன் தொடர்ச்சியாக மாஹே அருகே உள்ள கண்ணணூர் ரயில் நிலையத்துக்கு வரும் ஜூலை 8, 9 தேதிகளில் இந்த அறிவியல் ரயில் செலலும்.