சுடச்சுட

    

    டெங்கு தடுப்பு: கண்காணிக்க மேலாண்மைக் குழு: கிரண் பேடி உத்தரவு

    By DIN  |   Published on : 08th October 2017 01:27 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரியில் டெங்கு தடுப்பு நடவடிக்கைகளைக் கண்காணிக்க மேலாண்மைக் குழுவை அமைத்து துணைநிலை ஆளுநர் கிரண் பேடி உத்தரவிட்டார்.
    டெங்கு நோய் பாதிப்பைத் தடுக்க ஆளுநர் கிரண் பேடி, முதல்வர் நாராயணசாமி ஆகியோர் தனித் தனியாக நடவடிக்கைகளை எடுத்து வருகின்றனர். இதற்கிடையே, கடந்த சில நாள்களாக ஆளுநர் கிரண் பேடி நேரடியாகப் பல்வேறு பகுதிகளுக்குச் சென்று டெங்கு தடுப்பு நடவடிக்கைகளை மேற்கொண்டு வருகிறார்.
    இதன் தொடர்ச்சியாக ஆளுநர் மாளிகையில் ஆய்வுக் கூட்டம் நடைபெற்றது. இதுவரை எடுத்த நடவடிக்கைகள், எதிர்கால நடவடிக்கைகள் குறித்து அறிக்கை சமர்ப்பிக்க அதிகாரிகளுக்கு ஆளுநர் கிரண் பேடி உத்தரவிட்டார். மேலும், இந்த நடவடிக்கையில் ஈடுபட்டுள்ள அனைத்துத் துறைகளின் செயல்பாடுகளைக் கண்காணிக்கவும், கருத்தறியவும், பொதுமக்களிடம் எடுத்துக் கூறவும், உயர்மட்டக் குழுவை அமைத்தும் அவர் உத்தரவிட்டார். இந்த மேலாண்மைக் குழுவில் மாவட்ட ஆட்சியர், உள்ளாட்சி இயக்குநர், சுகாதார இயக்குநர், பொதுப் பணித் துறைத் தலைமைப் பொறியாளர், பூச்சியல் நோய் இயக்குநர், ஜிப்மர் இயக்குநர், பள்ளிக் கல்வித் துறை இயக்குநர், செய்தி- மக்கள்தொடர்புத் துறை இயக்குநர் ஆகியோர் இடம் பெற்றுள்ளனர். அரசின் செயலர்களும் இதில் ஓர் அங்கமாக இருப்பர். வருகிற 9-ஆம் தேதி விரிவான செயல் திட்டத்தை வகுக்க வேண்டும் என ஆட்சியருக்கு ஆளுநர் அறிவுறுத்தினார். மேலும், கட்செவி அஞ்சல் குழுக்களை ஏற்படுத்தி ஒருங்கிணைக்கவும் அவர் உத்தரவிட்டார்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai