சுடச்சுட

    

    புதுவை அருகே திருவண்ணாமலையைச் சேர்ந்த இளைஞர் தூக்குப் போட்டுத் தற்கொலை செய்து கொண்டார்.
    திருவண்ணாமலை மாவட்டம் மாப்பாக்கத்தை சேர்ந்த ஆறுமுகம் மகன் பாபு (29). புதுவை மேட்டுப்பாளையத்தில் உள்ள தனியார் நிறுவனத்தில் பணியாற்றி வந்த இவர், முத்திரையர்பாளையம் காந்திதிருநெல்லூர் ஓடை வீதியில் தனியாக வாடகைக்கு தங்கியிருந்தார்.
    இந்த நிலையில், கடந்த 2 நாள்களாக அவரது வீடு பூட்டியே கிடந்து உள்ளது.  வீட்டில் இருந்து துர்நாற்றம் வீசவே, வீட்டின் உரிமையாளர் இசைமணி பூட்டை உடைத்து வீட்டின் உள்ளே சென்று பார்த்துள்ளார். அப்போது, தூக்கிட்ட நிலையில் பாபு இறந்து கிடந்தார்.
    இதுகுறித்த புகாரின்பேரில் மேட்டுப்பாளையம் காவல் உதவி ஆய்வாளர் இனியன் மற்றும் போலீஸார் சடலத்தைக் கைப்பற்றி பிரேத பரிசோதனைக்காக கதிர்காமம் அரசு மருத்துவ கல்லூரி மருத்துவமனைக்கு அனுப்பி வைத்தனர்.
    பாபு காதல் தோல்வியால் தற்கொலை செய்துகொண்டாரா? அல்லது வேறு ஏதேனும் காரணமா? என போலீஸார் விசாரணை நடத்தி வருகின்றனர்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai