Enable Javscript for better performance
புதுவையில் பூக்கள் விலை கடும் உயர்வு- Dinamani

சுடச்சுட

    

    தீபாவளி பண்டிகை எதிரொலி மற்றும் வரத்துக் குறைவு காரணமாக, புதுச்சேரியில் பூக்கள் விலை கடுமையாக உயர்ந்துள்ளது.
    தீபாவளிப் பண்டிகை புதன்கிழமை கொண்டாடப்படுகிறது. அதன் தொடர்ச்சியாக வியாழக்கிழமை வீடுகளில் நோன்பு நடைபெறும். பண்டைய காலம் முதல் தீபாவளி நோன்பு மற்றும் அமாவாசை நோன்பு கடைப்பிடிக்கப்பட்டு வருகிறது. இந்த நோன்பு மூலம் குடும்பம் வளம் பெறும் என்பது பொதுமக்களின் ஐதீகம்.
    நோன்பு எடுக்கும் குடும்பப் பெண்கள் விரதம் மேற்கொண்டு பலகாரங்கள்செய்து கோயிலுக்கு சென்று வழிபடுவர். அதன் பின்னர் வீட்டில் சாமிக்கு படையலிட்டு விரதத்தை முடிப்பர். அதுவரை உணவு எதுவும் சாப்பிட மாட்டார்கள்.
    இந்த நோன்பு பண்டிகைக்காக பிரத்யேகமாக புதுவை பெரிய மார்க்கெட் உள்பட அனைத்து மார்க்கெட்டுகளிலும் பூஜை பொருள்கள் விற்கப்படுகின்றன. குறிப்பாக, நோன்பு பண்டிகைக்காக வில்வப் பூ அதிகம் விற்பனை செய்யப்படும்.
    மேலும், பல வண்ணங்களில் நோன்பு கயிறு அவரவர்கள் குல மரபுப்படி கறுப்பு இல்லாத நோன்பு கயிறு, சுங்கு வைத்த நோன்பு கயிறு, மணி வைத்த நோன்பு கயிறு என பல விதங்களில் விற்கப்படுகின்றன.
    அதுபோல எண்ணிக்கை அடிப்படையிலும் பூஜை பொருள்களை வாங்கி பூஜை செய்வர். மேலும் காய்கறி வகைகளையும் எண்ணிக்கை அடிப்படையிலேயே வாங்கி சமையல் செய்வது வழக்கம்.
    தீபாவளிப் பண்டிகையை முன்னிட்டு பூக்களின் விலை கடுமையாக உயர்ந்துள்ளது. மல்லிகைப் பூ விலை கிலோ ரூ.800 ஆகவும், முல்லை அரும்பு ரூ.700 ஆகவும், கனகாம்பரம் ரூ.1000 ஆகவும், சம்பங்கி ரூ.60 ஆகவும், சாமந்தி ரூ.100 ஆகவும், ரோஜா ரூ.200 ஆகவும், வாடாமல்லி ரூ.100 என்ற விலையில் விற்பனை செய்யப்பட்டன.
    இதில் மல்லி, முல்லை, கனகாம்பரம் பூக்கள் விலை திங்கள்கிழமை விலையைக் காட்டிலும் ரூ.200
    முதல் 300 வரை உயர்ந்து காணப்பட்டது. புதுவை பெரிய மார்க்கெட்டில் பூக்கள், பூஜைப் பொருள்களை வாங்குவதற்காக ஏராளமானோர் குவிந்திருந்தனர். இதனால் போக்குவரத்து நெரிசலும் ஏற்பட்டது. ஏராளமான போலீஸார் ஆங்காங்கே பாதுகாப்புப் பணியில் ஈடுபட்டிருந்தனர்.
    தமிழகப் பகுதியான திண்டிவனம், கடலூர், திருவண்ணாமலை, பெங்களூர் பகுதிகளில் இருந்தும் இங்கு பூக்கள் விற்பனைக்கு வருகிறது. எனினும், பூக்களின் வரத்து குறைந்ததாலும், தேவை அதிகரிப்பாலும் பூக்களின் விலை  உயர்ந்திருந்தது.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai