சுடச்சுட

    

    பேருந்து கட்டண உயர்வைக் கண்டித்து சாலை மறியல்

    By  புதுச்சேரி,  |   Published on : 20th October 2017 08:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பேருந்துக் கட்டண உயர்வைக் கண்டித்து, புதுச்சேரி அருகே அபிஷேகப்பாக்கத்தில் பொதுமக்கள் வியாழக்கிழமை சாலை மறியலில் ஈடுபட்டனர்.
     புதுவை மாநிலத்தில் பேருந்து கட்டணத்தை உயர்த்தி அரசு அறிவிப்பு வெளியிட்டுள்ளது. அதன்படி, நகரசேவை பேருந்துகளுக்கு முதல் நிலைக்கு குறைந்த பட்சம் ரூ.5-ம், அதன்பிறகு ஒவ்வொரு நிலைக்கும் அதாவது 3 கிலோ மீட்டருக்கு, ரூ.2-ம் கட்டணம் உயர்த்தப்பட்டுள்ளது.
     அரசுப் பேருந்துகளின் கட்டண உயர்வை தொடர்ந்து, தனியார் பேருந்துகளிலும் கட்டணம் உயர்த்தப்பட்டுள்ளது. இந்தக் கட்டண உயர்வு வியாழக்கிழமை முதல் அமலுக்கு வந்தது. இது பயணிகளிடையே கடும் அதிர்ச்சியை ஏற்படுத்தியுள்ளது.
     இந்த நிலையில், புதுச்சேரி தவளக்குப்பம் அருகேயுள்ள அபிஷேகப்பாக்கம் பகுதி மக்கள், வியாழக்கிழமை காலை அம்பேத்கர் சிலை சந்திப்பில் தனியார் பேருந்தை சிறைப் பிடித்தனர். அவர்கள், பேருந்து கட்டண உயர்வை குறைக்க வலியுறுத்தி குரலெழுப்பினர்.
     தொடர்ந்து, புதுச்சேரி தவளக்குப்பம்-அபிஷேகப்பாக்கம் வழித்தடத்தில் வந்த வாகனங்களையும் அவர்கள் அனுமதிக்கவில்லை.
     இதனால் கடும் போக்குவரத்து நெரிசல் ஏற்பட்டது. இதுகுறித்து அறிந்த தவளக்குப்பம் போலீஸார் விரைந்து வந்து மறியலில் ஈடுபட்ட மக்களிடம் பேச்சுவார்த்தை நடத்தினர்.
     பேருந்து கட்டண உயர்வைக் கண்டித்து கோஷமிட்ட பொதுமக்கள் போராட்டத்தைக் கைவிட மறுத்தனர்.
     இதனால் 2 மணி நேரத்துக்கும் மேலாக அப்பகுதியில் போக்குவரத்துப் பாதிக்கப்பட்டது. இதனையடுத்து நிகழ்விடத்துக்கு வந்து வருவாய்த் துறை அதிகாரிகள் பேச்சுவார்த்தை நடத்தினர்.
     பேருந்து கட்டண உயர்வு குறித்து, அரசிடம் பேசி நடவடிக்கை எடுப்பதாக அவர்கள் உறுதி அளித்ததையடுத்து, சாலை மறியலை கைவிட்டு பொதுமக்கள் கலைந்து சென்றனர். இந்த மறியலால் அப்பகுதியில் 2 மணி நேரத்துக்கும் மேலாக போக்குவரத்து பாதிக்கப்பட்டது.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai