சுடச்சுட

    

    3 ரெளடிகள் கொலை சம்பவம்: தனிப்படை போலீஸார் தீவிர விசாரணை

    By  புதுச்சேரி,  |   Published on : 21st October 2017 08:50 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரியில் வெடிகுண்டு வீசி 3 ரெளடிகள் கொலை செய்யப்பட்ட வழக்கில் தொடர்புடைய கொலையாளிகளை தனிப்படை போலீஸார் தீவிரமாக தேடி வருகின்றனர்.
     புதுச்சேரி, முத்திரையர்பாளையம் ஜீவா வீதியை சேர்ந்தவர் ஞானசேகர் (24), சண்முகாபுரம் அணைக்கரை வீதியை சேர்ந்தவர் ஜெரால்டு (24). முத்தரையர்பாளையம் காந்தி திருநல்லூரைச் சேர்ந்தவர் சதீஷ் (23). ரௌடிகளான இவர்கள் மூவரும் மேட்டுப்பாளையம் சாரணப்பேட்டையை சேர்ந்த புளியங்கொட்டை ரங்கராஜன்(25), ரகு, மாது ஆகியோருடன் 18-ஆம் தேதி இரவு மேட்டுப்பாளையம் ராம்நகர் முதல் தெருவில் குடியிருப்புகளுக்கு மத்தியில் உள்ள இரும்பு பீரோ, கட்டில் செய்யும் சிறு தொழிற்கூடத்தில் மது அருந்திக் கொண்டிருந்தனர். அப்போது அங்கு வந்த 10-க்கும் மேற்பட்டோர் அடங்கிய கும்பல் அந்த தொழிற்கூடத்தை சுற்றி வளைத்து நாட்டு வெடிகுண்டுகளை வீசியது. தொடர்ந்து அரிவாளால் சரமாரியாக வெட்டியது.
     இதில் ஜெரால்டு, ஞானசேகர், சதீஷ் ஆகிய மூவரும் நிகழ்விடத்திலயே பலியாகினர். ரங்கராஜன் பலத்த காயம் அடைந்தார். ரகு லேசான காயமடைந்தார். மாது காயம் ஏதும் இன்றி தப்பிவிட்டார். இந்த கொலை தொடர்பாக மார்டின், லாரன்ஸ், ஸ்ரீபன் மற்றும் சிலர் மீது மேட்டுப்பாளையம் போலீஸார் வழக்குப் பதிவு செய்து கொலைக்கான காரணம் குறித்து விசாரணை நடத்தி வருகின்றனர்.
     மேலும், வடக்கு பகுதி எஸ்பி ரச்சனாசிங் உத்தரவின் பேரில் இன்ஸ்பெக்டர்கள் தங்கமணி, கண்ணன், நாகராஜ் மற்றும் அதிரடிப்படை இன்ஸ்பெக்டர் கார்த்திகேயன் ஆகியோர் தலைமையில் தனிப்படைகள் அமைக்கப்பட்டுள்ளன. இந்த தனிப்படையினர் புதுச்சேரி மற்றும் தமிழகப்பகுதியான ஆரோவில், கடலுôர் உள்ளிட்ட இடங்களில் கொலையாளிகளை தீவிரமாக தேடி வருகின்றனர்.
     ஆனால், கொலைக்கான காரணம் இன்னும் தெரியவரவில்லை. மார்ட்டினுக்கும், ஞானசேகருக்கும் மாமூல் வசூலிப்பது, யார் பெரியவர் என்பதில் மோதல் ஏற்பட்டு முன்விரோதம் இருந்துள்ளது. இந்த நிலையில் சமீபத்தில் அவர்களுக்குள் மீண்டும் பிரச்னை ஏற்பட்டதையடுத்து மார்ட்டின் தனது கூட்டாளிகளுடன், ஞானசேகர் உள்ளிட்ட 3 பேரை கொலை செய்து இருக்கலாம் என்ற சந்தேகம் போலீஸாருக்கு எழுந்துள்ளது. மேலும், தமிழகத்தைச் சேர்ந்த ரெளடி ஒருவருக்கு இந்த கொலையில் தொடர்பு இருக்கலாம் என்ற கோணத்திலும் விசாரணை நடத்தி வருகின்றனர். அதோடு இறந்துபோன ஞானசேகர்,
     ஜெரால்டு, சதீஷ் ஆகியோர் மீது கொலை, அடிதடி போன்ற பல்வேறு வழக்குகள் இருப்பதால் அது தொடர்பாக கொலை நிகழ்ந்ததா? அல்லது வேறு ஏதேனும் காரணமா? என்ற பல்வேறு கோணங்களில் விசாரணையை முடுக்கி விட்டுள்ளதாக போலீஸார் தெரிவித்தனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai