Enable Javscript for better performance
ஜிப்மரில் கணைய பித்த நீர் புற்றுநோய்கள் கருத்தரங்கம்- Dinamani

சுடச்சுட

    

    ஜிப்மரில் கணைய பித்த நீர் புற்றுநோய்கள் கருத்தரங்கம்

    By DIN  |   Published on : 22nd October 2017 05:31 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரி ஜிப்மர் இரைப்பை குடலியல் துறை சார்பில், கணைய பித்த நீர் புற்று நோய்கள் என்ற தலைப்பில் மருத்துவக் கருத்தரங்கம் சனிக்கிழமை நடைபெற்றது.
    கருத்தரங்கைத் தொடக்கிவைத்து ஜிப்மர் மருத்துவக் கண்காணிப்பாளர் அசோக் சங்கர் படே பேசியதாவது: கணைய பித்த நீர் புற்று நோய்கள் பொதுவாக கணையம், பித்த நாளங்கள், சிறுகுடல் பகுதிகளில் அதிகமாக உருவாகிறது. இவை பொதுவாக நோய் முற்றிய நிலையிலேயே அறியப்படுவதால் நோயாளிகளைக் குணப்படுத்துவது மிகுந்த சவாலாக உள்ளது.
    கணைய பித்த நீர் புற்று நோய்களை கண்டறிவது மிகுந்த சிரமமான ஒன்றாகும். பெரும்பாலும் கணைய அழற்சி நோய் பல நேரங்களில் கணைய பித்த நீர் புற்று நோயுடன் ஒத்துபோவதால், புற்று நோய்களை தனித்து அறிய வேண்டியுள்ளது. ஆகையால், இந்த வகை நோய்களுக்கு சிகிச்சை அளிக்கும் போது பல தரப்பட்ட மருத்துவ நிபுணர்கள் குழு அவசியமாகிறது.
    தற்போது நடைமுறையில் உள்ள நவீன எண்டோஸ்கோபி முறை மூலம் இந்த வகை நோயாளிகளுக்கு சிறப்பான சிகிச்சையை அளிக்க முடிகிறது என்றார் அவர்.
    முதல்வர் சுவாமிநாதன், இரைப்பைக் குடலியல் துறைத் தலைவர் அப்துல் அமீது ஆகியோர் முன்னிலை வகித்தனர். சென்னை குளோபல் மருத்துவமனை மருத்துவர் ரவி, வேலூர் சிஎம்சி மருத்துவமனை மருத்துவர் ஜார்ஜ் சைமன், ஜிப்மர் மூத்தப் பேராசிரியர்கள் பலர் கலந்து கொண்டு பல்வேறு தலைப்புகளில் பேசினர். மருத்துவர் பழனிவேல் மோகன் நன்றி கூறினார்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai