Enable Javscript for better performance
பிளஸ் 2: தனித் தேர்வர்களுக்கு ஜூன் 19 முதல் தேர்வு மைய அனுமதிச் சீட்டு விநியோகம்- Dinamani

சுடச்சுட

    

    பிளஸ் 2: தனித் தேர்வர்களுக்கு ஜூன் 19 முதல் தேர்வு மைய அனுமதிச் சீட்டு விநியோகம்

    By புதுச்சேரி  |   Published on : 16th June 2018 08:23 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பிளஸ் 2 சிறப்புத் துணைத் தேர்வுக்கான அனுமதிச் சீட்டை ஜூன் 19 முதல் பதிவிறக்கம் செய்யலாம் என புதுவை பள்ளிக் கல்வி இணை இயக்குநர் குப்புசாமி தெரிவித்தார்.
    இதுகுறித்து வியாழக்கிழமை அவர் வெளியிட்ட செய்திக் குறிப்பு: பிளஸ் 2 சிறப்புத் துணைத் தேர்வெழுத விண்ணப்பித்த அனைத்து தனித் தேர்வர்களும் (தட்கல் உள்பட) வரும் ஜூன் 19}ஆம் தேதி முதல் www.dge.tn.gov.in என்ற இணையதளத்தின் மூலம் தேர்வு மைய நுழைவுச் சீட்டைப் பதிவிறக்கம் செய்து கொள்ளலாம். இந்த இணையதளத்துக்குச் சென்று HSE June/July 2018 Hall Ticket Download என்று சொடுக்கி, தங்களது மார்ச் 2018 பதிவெண், பிறந்த தேதியைப் பதிவு செய்தால் தேர்வு மைய அனுமதிச் சீட்டு திரையில் தோன்றும். அதைப் பதிவிறக்கம் செய்து கொள்ளலாம். 
    உரிய தேர்வுக்கூட அனுமதிச் சீட்டின்றி எந்த ஒரு தேர்வரும் தேர்வெழுத அனுமதிக்கப்பட மாட்டார்கள் என அந்தச் செய்திக் குறிப்பில் கூறப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai