Enable Javscript for better performance
சாராயக் கடைகளை மூடும் புதுவை அரசின் நடவடிக்கைக்கு மார்க்சிஸ்ட் வரவேற்பு- Dinamani

சுடச்சுட

    

    சாராயக் கடைகளை மூடும் புதுவை அரசின் நடவடிக்கைக்கு மார்க்சிஸ்ட் வரவேற்பு

    By  புதுச்சேரி,  |   Published on : 19th June 2018 08:45 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சாராயக் கடைகளை மூடும் புதுவை அரசின் நடவடிக்கைக்கு மார்க்சிஸ்ட் கட்சி வரவேற்பு தெரிவித்துள்ளது.
     இதுகுறித்து அந்தக் கட்சியின் புதுவை பிரதேச செயலாளர்ஆர்.ராஜாங்கம் திங்கள்கிழமை வெளியிட்ட அறிக்கை:
     புதுவை மாநிலத்தில் 450 அன்னிய மதுபானக் கடைகள், 116 சாராயக் கடைகள், 94 கள்ளுக் கடைகள் என 650 மதுபானக் கடைகள் உள்ளன. இதனால் மாநிலத்தில் சமூக குற்றங்கள், சாலை விபத்துகள், அதிகரித்து வருவதோடு, குடும்பங்களும், சமூகமும் சீரழிந்து வருகின்றன.
     இந்தப் பின்னணியில் காட்டாமணிகுப்பம், முத்தியால்பேட்டை, முதலியார்பேட்டை, திப்புராயபேட்டை, ஆட்டுப்பட்டி, பொறையூர் ஆகிய இடங்களில் கோயில்கள், குடியிருப்புகள், கல்விக்கூடங்கள் அருகமையில் அமைந்திருந்த சாராயக் கடைகளை மூடியதை மார்க்சிஸ்ட் கட்சி வரவேற்கிறது. இது மார்க்சிஸ்ட் கட்சி உள்ளிட்ட பல ஜனநாயக, சமூக அமைப்புகளின் தொடர்ச்சியான வற்புறுத்தலுக்கு கிடைத்த வெற்றியாகும்.
     மேலும், பாகூர் கொம்யூன் சோரியாங்குப்பம் கிராமத்தில் மட்டும் 9-க்கும் மேற்பட்ட மதுக் கடைகள் உள்ளன. இதனால் பெண்கள், மாணவிகள் மீதான பாலியல் சீண்டல்களும், தேவையற்ற சச்சரவுகளும் தொடர்ந்து வருகிறது.
     இக்கிராம இளைஞர்கள் மதுப் பழக்கத்துக்கு ஆளாவது அதிகரித்து வருகிறது. இப்பகுதியில் அமைந்துள்ள மதுக் கடைகளை படிப்படியாக குறைக்க வேண்டும்.
     சோரியாங்குப்பம் கிராமத்தில் மதுக் கடைகளுக்கு எதிராக போராடிய அப்பாவி இளைஞர்களை கைது செய்து சிறையில் அடைத்த கொடூரமும் அரங்கேறியது. இதுகுறித்து உயர்மட்ட விசாரணைக்கு உத்தரவிடவேண்டும் எனத் தெரிவித்துள்ளார் ராஜாங்கம்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai