Enable Javscript for better performance
உரிமம் பெறாத வர்த்தக நிறுவனங்கள் மீது நடவடிக்கை: உழவர்கரை நகராட்சி ஆணையர்- Dinamani

சுடச்சுட

    

    உரிமம் பெறாத வர்த்தக நிறுவனங்கள் மீது நடவடிக்கை: உழவர்கரை நகராட்சி ஆணையர்

    By  புதுச்சேரி,  |   Published on : 27th June 2018 09:43 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    உரிமம் பெறாத வர்த்தக நிறுவனங்கள் மீது கடும் நடவடிக்கை எடுக்கப்படும் என்று உழவர்கரை நகராட்சி ஆணையர் கந்தசாமி உத்தரவிட்டுள்ளார்.
     இது குறித்து அவர் செவ்வாய்க்கிழமை வெளியிட்ட செய்திக் குறிப்பு:
     புதுச்சேரி நகராட்சிகள் சட்டம், 1973 பிரிவு 355இன் படி உழவர்கரை நகராட்சி எல்லைக்கு உள்பட்ட பகுதிகளில் வர்த்தகம் செய்பவர்கள் நகராட்சியின் வர்த்தக உரிமம் பெற்றிருக்க வேண்டும். ஆனால், கள ஆய்வில் பல வர்த்தக நிறுவனங்கள் மற்றும் வியாபார தொழில்நிறுவனங்கள் நகராட்சியின் வர்த்தக உரிமம் பெறாமல் நடைபெற்று வருவது தெரிய வந்துள்ளது.
     இது புதுச்சேரி நகராட்சி சட்டம், 1973 பிரிவு 355 மற்றும் 449-இன் படி தண்டனைக்குரிய குற்றமாகும். எனவே, மேற்சொன்னவாறு நகராட்சி உரிமம் பெறாமல் வர்த்தகம் செய்பவர்கள் இந்த அறிவிப்பு கண்ட 7 நாள்களுக்குள் உடனே உழவர்கரை நகராட்சி, வருவாய் பிரிவை அணுகி உரிய விண்ணப்பம் செய்து தங்கள் நிறுவனங்கள் மற்றும் கடைகளுக்கு வர்த்தக உரிமம் பெற வேண்டும் என்று அறிவுறுத்தப்படுகிறது.
     தவறும் பட்சத்தில் புதுச்சேரி நகராட்சி சட்டத்தின்படி வர்த்தக நிறுவனங்கள் மற்றும் வியாபார நிறுவனங்கள் மீது நடவடிக்கை எடுக்கப்படும் எனத் தெரிவித்துள்ளார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai