Enable Javscript for better performance
சென்டாக்: அரசு ஒதுக்கீடாக எம்பிபிஎஸ்-147, பிடிஎஸ்-100 இடங்கள் நிரப்ப உத்தரவு- Dinamani

சுடச்சுட

    

    சென்டாக்: அரசு ஒதுக்கீடாக எம்பிபிஎஸ்-147, பிடிஎஸ்-100 இடங்கள் நிரப்ப உத்தரவு

    By  புதுச்சேரி,  |   Published on : 28th June 2018 08:32 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரியில் தனியார் மருத்துவக் கல்லூரிகளில் அரசு ஒதுக்கீடாக 147 எம்பிபிஎஸ் இடங்களும், தனியார் பல் மருத்துவக் கல்லூரிகளில் அரசு ஒதுக்கீடாக 100 பிடிஎஸ் இடங்களும் சென்டாக் மூலம் நிரப்பப்பட உள்ளது.
     புதுச்சேரியில் 2018-19-ஆம் கல்வி ஆண்டுக்கான சென்டாக் கலந்தாய்வு மூலம் தனியார் சுயநிதி மருத்துவம் மற்றும் பல் மருத்துவக் கல்லூரிகளில் அரசு ஒதுக்கீடாக கீழ்கண்ட எம்பிபிஎஸ் மற்றும் பிடிஎஸ் இடங்களை நிரப்ப வேண்டும் என துணைச் செயலர்(சுகாதாரம்) சாரதி உத்தரவிட்டுள்ளார். அந்த இடங்களின் விவரம்
     அரசு ஒதுக்கீடு: புதுச்சேரியில் உள்ள 3 தனியார் சுயநிதி மருத்துவக் கல்லூரிகளில் 400 எம்பிபிஎஸ் இடங்கள் உள்ளன. இதில் பிம்ஸ் - 37, மணக்குள விநாயகர் - 55, வெங்கடேஸ்வரா - 55 என மொத்தம் 147 எம்பிபிஎஸ் இடங்கள் அரசு ஒதுக்கீடாக நிரப்ப வேண்டும். இதில், பொதுப்பிரிவு - 74, ஓபிசி - 16, எம்பிசி - 26, எஸ்சி - 24, சிபிஎம் - 3, இபிசி - 3, பிடி - 1 என்ற நிலையில் இடங்கள் ஒதுக்கப்பட்டுள்ளன.
     நிர்வாக ஒதுக்கீடு: பிம்ஸ் மருத்துவக் கல்லூரியில் புதுச்சேரி கிறிஸ்தவ சிறுபன்மையினர் - 50 இடங்கள், இதர பிரிவினர் - 13, மணக்குள விநாயகர் கல்லூரியில் இதர பிரிவினர் - 95, வெங்கடேஸ்வரா கல்லூரியில் புதுச்சேரி தெலுங்கு சிறுபான்மையினர் - 75, இதர பிரிவினர் - 20 இடங்கள் என மொத்தம் 253 இடங்கள் நிர்வாக ஒதுக்கீட்டில் நிரப்ப வேண்டும்.
     இதேபோல, புதுச்சேரியில் உள்ள 2 தனியார் பல் மருத்துவக் கல்லூரிகளில் 200 பிடிஎஸ் இடங்கள் உள்ளன. இதில், மாஹே பல் மருத்துவக் கல்லூரியில் 50, வெங்கடேஸ்வரா 50 இடங்கள் என அரசு ஒதுக்கீடாக மொத்தம் 100 பிடிஎஸ் இடங்கள் நிரப்ப வேண்டும். மீதியுள்ள 100 இடங்கள் நிர்வாக ஒதுக்கீட்டின் கீழ் நிரப்ப வேண்டும்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai