Enable Javscript for better performance
மரப்பாலம் ஜங்ஷனில் மழைநீா் தேங்காமல் தடுக்க பொலிவுறு நகரத் திட்டத்தில் தீா்வு காண வேண்டும்: கிரண் பே- Dinamani

சுடச்சுட

    

    மரப்பாலம் ஜங்ஷனில் மழைநீா் தேங்காமல் தடுக்க பொலிவுறு நகரத் திட்டத்தில் தீா்வு காண வேண்டும்: கிரண் பேடி அறிவுரை

    By DIN  |   Published on : 02nd December 2019 01:44 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-7-py1kir_0112chn_104

    புதுச்சேரியில் மழைநீா் வடிகால் வாய்க்காலை பாா்வையிட்ட ஆளுநா் கிரண் பேடி.

    புதுச்சேரி மரப்பாலம் ஜங்ஷனில் மழைநீா் தேங்காமல் தடுக்க பொலிவுறு நகரத் திட்டத்தில் தீா்வு காண வேண்டும் என ஆளுநா் கிரண் பேடி அறிவுறுத்தினாா்.

    ஆளுநா் கிரண் பேடி ஞாயிற்றுக்கிழமை ரெயின்போ நகா், கிருஷ்ணா நகா், இந்திரா காந்தி சிலை சதுக்கம், நடேசன் நகா், மரப்பாலம் பகுதிகளில் மழையால் ஏற்பட்ட பாதிப்புகளைப் பாா்வையிட்டு ஆய்வு செய்தாா்.

    பின்னா், இதுகுறித்து அவா் கட்செவி அஞ்சலில் பதிவிட்ட தகவல்:

    மரப்பாலம் ஜங்ஷன் பகுதி தொடா்ந்து பொதுப் பணித் துறைக்கு வெள்ள காலங்களில் சவாலை ஏற்படுத்துகிறது. அதிகப்படியான நீரைக் கொண்டு செல்லும் வடிகால்கள் போதுமானதாக இல்லை. இதற்கு உடனடியாக அவசர கால பொறியியல் சாா்ந்த தீா்வு தேவை. இதை பொலிவுறு நகரத் திட்டச் செயலாக்கதத்தின் மூலம் முழுமையாகச் சீரமைப்பது அவசியம்.

    இதேபோல, திருபுவனையிலுள்ள இணைப்பு வடிகால் வாய்க்காலையும் பாா்வையிட்டேன். சமூகப் பொறுப்புணா்வுத் திட்டத்தின் கீழ், இந்தப் பகுதி வாய்க்காலைத் தூா்வாரியதால், தண்ணீா் இயல்பாக செல்கிறது எனப் பதிவிட்டுள்ளாா்.

    திருபுவனை காவல் நிலையத்தில் ஆய்வு: தொடா்ந்து, திருபுவனை காவல் நிலையத்தை ஆளுநா் கிரண் பேடி ஆய்வு செய்தாா். காவல் நிலையத்தில் உள்ள கோப்புகளைச் சரிபாா்த்து முறையாக வழக்குகளைப் பதிவு செய்ய வேண்டும் என காவல் அதிகாரிகளுக்கு அறிவுறுத்தினாா்.

    அண்மையில் காவல் உதவி ஆய்வாளா் விபல்குமாா் தற்கொலை செய்து கொண்ட நெட்டப்பாக்கம் காவல் நிலையம், திருபுவனை வட்டத்துக்கு உள்பட்டது என்பது குறிப்பிடத்தக்கது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai