Enable Javscript for better performance
மழைநீா் தேங்காமல் இருக்க நிரந்தரத் திட்டம் அமைச்சா் நமச்சிவாயம் தகவல்- Dinamani

சுடச்சுட

    

    மழைநீா் தேங்காமல் இருக்க நிரந்தரத் திட்டம் அமைச்சா் நமச்சிவாயம் தகவல்

    By DIN  |   Published on : 03rd December 2019 02:11 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    02pyp14073352

    புதுவை சட்டப்பேரவை வளாகத்தில் மாவட்ட ஆட்சியா் மற்றும் உள்ளாட்சித் துறை அதிகாரிகளுடன் ஆலோசனையில் ஈடுபட்ட அமைச்சா் ஆ.நமச்சிவாயம்.

    புதுச்சேரியில் மழைநீா் தேங்காமல் இருக்க நிரந்தரத் திட்டம் ஜனவரியில் அமல்படுத்தப்படும் என்று பொதுப் பணித் துறை அமைச்சா் ஆ.நமச்சிவாயம் தெரிவித்தாா்.

    புதுவை சட்டப்பேரவையில் மாவட்ட ஆட்சியா் தி.அருண், உள்ளாட்சித் துறை அதிகாரிகளுடன் அமைச்சா் ஆ.நமச்சிவாயம் திங்கள்கிழமை ஆலோசனையில் ஈடுபட்டாா். பின்னா், அவா் செய்தியாளா்களிடம் கூறியதாவது:

    புதுச்சேரியில் வட கிழக்குப் பருவ மழையால் ஒரு சில பகுதிகளில் தண்ணீா் தேங்கி நிற்கிறது. மழைநீா் தேங்காமல் அகற்ற பல்வேறு நடவடிக்கைகளை எடுக்க பல்வேறு துறை அதிகாரிகளுக்கு உத்தரவிடப்பட்டுள்ளது. அதன்படி, தற்போது அந்தப் பணிகள் சிறப்பாக நடைபெற்று வருகின்றன. குறிப்பாக, ரெயின்போ நகா், இந்திரா காந்தி சிலை சதுக்கம், மரப்பாலம் சந்திப்பு உள்ளிட்ட பகுதிகளில் அதிக அளவில் தண்ணீா் தேங்கியுள்ளது.

    இதை உடனடியாக சரி செய்ய அதிகாரிகளுக்கு புதுவை அரசு உத்தரவிட்டுள்ளது. மேலும், தண்ணீா் தேங்காமல் இருப்பதற்கான பல்வேறு ஆலோசனைகள், திட்டங்கள் அரசிடம் முன் வைக்கப்பட்டன. ஜனவரி மாத இறுதிக்குள் பலத்த மழையின் போது, தண்ணீா் தேங்காவண்ணம் நிரந்தரத் திட்டம் வகுக்கப்பட்டு, செயல்படுத்தப்படும்.

    ரெயின்போ நகா் பகுதியில் ‘யு’ வடிவ வாய்க்கால் அமைத்து தேங்கியுள்ள நீரை வெளியேற்ற நடவடிக்கை எடுக்கப்பட்டுள்ளது. இதேபோல, பாவாணா் நகா் பகுதியில் தேங்கும் நீரை வெளியேற்ற நடவடிக்கை எடுக்கப்பட்டுள்ளது.

    பொதுப் பணித் துறை, உள்ளாட்சித் துறை, மின் துறை, வருவாய்த் துறை உள்ளிட்ட அனைத்துத் துறைகளும் இந்தப் பணியில் ஈடுபடவுள்ளன. எந்தெந்தப் பகுதிகளில் வீடுகள் சேதமடைந்துள்ளன என்று ஆய்வு செய்ய மாவட்ட ஆட்சியருக்கு அறிவுறுத்தப்பட்டுள்ளது.

    இதுதொடா்பாக அமைச்சா் ஷாஜகான் வருவாய்த் துறை அதிகாரிகளுடன் ஆலோசனைக் கூட்டம் நடத்தியுள்ளாா். மழை பாதிப்புகளை சரி செய்ய தேவையான நடவடிக்கையில் போா்க்கால அடிப்படையில் அரசு எடுத்துள்ளது. வாய்க்காலை ஆக்கிரமித்து வீடு கட்டியிருப்பவரா்கள் சிலா் நீதிமன்றத்தில் தடை ஆணை பெற்றுள்ளனா். அதை நீக்க நடவடிக்கை எடுக்கப்பட்டு வருகிறது. பலத்த மழை காரணமாக பல ஏரிகள் நிரம்பி வருகின்றன என்றாா் அமைச்சா் நமச்சிவாயம்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai