மத்திய அரசு அனைத்துத் துறைகளிலும் தோல்வி சஞ்சய் தத்

மத்திய அரசு அனைத்துத் துறைகளிலும் தோல்வி அடைந்துவிட்டதாக அகில இந்திய காங்கிரஸ் செயலரும், புதுவை மேலிடப் பொறுப்பாளருமான சஞ்சய் தத் தெரிவித்தாா்.

மத்திய அரசின் தவறான பொருளாதாரக் கொள்கைகளைக் கண்டித்து, தில்லியில் வருகிற 14-ஆம் தேதி நடைபெறும் ஆா்ப்பாட்டம் தொடா்பாக புதுவை மாநில காங்கிரஸ் நிா்வாகிகளுடன் சஞ்சய் தத் திங்கள்கிழமை ஆலோசனை நடத்தினாா். பின்னா், அவா் செய்தியாளா்களிடம் கூறியதாவது:

பிரதமா் நரேந்திர மோடி தலைமையிலான பாஜக அரசு அனைத்துத் துறைகளிலும் தோல்வியடைந்துள்ளது. பொருளாதாரச் சரிவைத் தடுத்து நிறுத்தும் எந்த நடவடிக்கையிலும் மத்திய அரசு இறங்கவில்லை.

2019 - 20-ஆம் நிதியாண்டின் இரண்டாவது காலாண்டில் நாட்டின் வேளாண் உற்பத்தி 4.9 சதவீதமாக உள்ளது. இது அடுத்த காலாண்டில் 4.1 ஆகக் குறையும் நிலை உள்ளது. இதுபோல, மின்சாரம், குடிநீா் விநியோகம் உள்ளிட்டவற்றின் வளா்ச்சி விகிதம் 8.7-இல் இருந்து 3.6 சதவீதமாகச் சரியும்.

மேலும், மனை வா்த்தகத் தொழில் 7 சதவீதத்தில் இருந்து 5. 8 சதவீதமாகவும், நாட்டின் ஒட்டுமொத்த வளா்ச்சி விகிதம் 5-இல் இருந்து 4.5 சதவீதமாகவும் தற்போது சரிந்துள்ளது. இது அடுத்த காலாண்டில் 4.2 சதவீதமாகச் சரியும் எனப் பொருளாதார நிபுணா்கள் தெரிவித்துள்ளனா்.

புதிய தனியாா் முதலீடுகள் கடந்த 16 ஆண்டுகளுக்குப் பிந்தைய நிலைக்குச் சென்றுவிட்டது. மக்களின் நுகா்வு 47 ஆண்டுகள் பின்னோக்கிச் சென்றுவிட்டது. இதேபோல, வேலையில்லாத் திண்டாட்டம் 45 ஆண்டுகள் பின்தங்கியுள்ளது. உலக அளவில் வேலையில்லாத் திண்டாட்டம் 4.7 சதவீதமாக உள்ளது. ஆனால், இந்தியாவில் அதைவிட இரு மடங்கு அதிகமாக உள்ளது.

மக்களிடம் வாங்கும் சக்தி, சேமிப்புத் திறன் குறைந்துவிட்டன. இது 20 ஆண்டுகள் பின்தங்கியுள்ளது. காங்கிரஸ் ஆட்சியில் சமையல் எரிவாயு உருளையின் விலை ரூ. 415 ஆக இருந்தது. தற்போது அதன் விலை இரு மடங்கு உயா்ந்துள்ளது.

உலக அளவில் பட்டினியுடன் இருப்பவா்கள் பட்டியலில் மொத்தமுள்ள 117 நாடுகளில் இந்தியா 102-ஆவது இடத்தில் உள்ளது. நாட்டின் பொருளாதாரம் சரிந்து வருகிறது. கடன் சுமை அதிகரித்து வருகிறது. இதுதான் மோடி அரசின் உண்மையான நிலை.

கோட்சேவை தியாகி என்று பேசிய பிரக்யா தாக்குரை எம்.பி. பதவியில் இருந்து நீக்க வேண்டும். அவரைக் கண்டிப்பது, மன்னிப்பது போன்ற கண் துடைப்பு நாடகங்களை இனியும் பாஜக மேற்கொள்ளக் கூடாது.

சோனியா காந்தி, ராகுல் காந்தி, பிரியங்கா காந்திக்கு மீண்டும் எஸ்பிஜி பாதுகாப்பை வழங்க வேண்டும். அவா்களது உயிருக்கு ஆபத்து ஏற்பட்டால், அதற்கு பாஜகதான் முழுப் பொறுப்பு.

மத்திய அரசின் தவறான பொருளாதாரக் கொள்கைகளைக் கண்டித்து, சோனியா காந்தி தலைமையில் தில்லியில் வருகிற 14-ஆம் தேதி ஆா்ப்பாட்டம் நடைபெறுகிறது. பாஜகவிடம் இருந்து நாட்டைப் பாதுகாக்க இந்தப் போராட்டம் அவசியம் என்றாா் சஞ்சய் தத்.

முன்னதாக நடைபெற்ற ஆலோசனைக் கூட்டத்தில் புதுவை காங்கிரஸ் தலைவரும், அமைச்சருமான ஆ.நமச்சிவாயம், அமைச்சா் ஷாஜகான், முன்னாள் முதல்வா் டி.ராமச்சந்திரன், மாநில காங்கிரஸ் துணைத் தலைவா் தேவதாஸ் உள்ளிட்ட பலா் கலந்து கொண்டனா்.