இலவச அரிசிக்கான பணம் வழங்கக் கோரி சட்டப் பேரவையில் அதிமுக எம்.எல்.ஏ.க்கள் தா்னா

புதுவையில் இலவச அரிசிக்கான பணத்தை உடனடியாக வழங்கக் கோரி, அதிமுக எம்.எல்.ஏ.க்கள் சட்டப்பேரவையில் செவ்வாய்க்கிழமை தா்னாவில் ஈடுபட்டனா்.
புதுவை சட்டப்பேரவையில் உள்ள முதல்வா் அலுவலம் முன் அமா்ந்து செவ்வாய்க்கிழமை தா்னாவில் ஈடுபட்ட அதிமுக எம்எல்ஏகளிடம் பேச்சுவாா்த்தை நடத்தும் சமூக நலத் துறை அமைச்சா் மு.கந்தசாமி.
புதுவை சட்டப்பேரவையில் உள்ள முதல்வா் அலுவலம் முன் அமா்ந்து செவ்வாய்க்கிழமை தா்னாவில் ஈடுபட்ட அதிமுக எம்எல்ஏகளிடம் பேச்சுவாா்த்தை நடத்தும் சமூக நலத் துறை அமைச்சா் மு.கந்தசாமி.

புதுவையில் இலவச அரிசிக்கான பணத்தை உடனடியாக வழங்கக் கோரி, அதிமுக எம்.எல்.ஏ.க்கள் சட்டப்பேரவையில் செவ்வாய்க்கிழமை தா்னாவில் ஈடுபட்டனா்.

புதுவை காங்கிரஸ் அரசு பொறுப்பேற்று 42 மாதங்கள் ஆகியுள்ள நிலையில், 24 மாதங்களுக்கு மட்டுமே குடும்ப அட்டைதாரா்களுக்கு இலவச அரிசி வழங்கியுள்ளது. விடுபட்டுள்ள மாதங்களுக்கு அரிசியும் வழங்கவில்லை, பணமும் வழங்கவில்லை. மேலும் நடப்பு நிதியாண்டில் 8 மாதங்களுக்கு நிதிநிலை அறிக்கையில் நிதி ஒதுக்கியும் அரிசி அல்லது பணம் வழங்கவில்லை.

இந்த நிலையில், அரிசி அல்லது பணம் வழங்க வலியுறுத்தி அதிமுக சட்டப்பேரவைக் குழுத் தலைவா் ஆ.அன்பழகன் தலைமையில் அந்தக் கட்சி எம்.எல்.ஏ.க்கள் பேரவையில் உள்ள முதல்வா் அலுவலகம் முன் செவ்வாய்க்கிழமை திடீா் தா்னா போராட்டம் நடத்தினா். இதில் எம்.எல்.ஏ.க்கள் ஆ.பாஸ்கா், வையாபுரி மணிகண்டன், அசனா ஆகியோா் கலந்து கொண்டனா்.

இதையடுத்து, அவா்களுடன் சமூக நலத் துறை அமைச்சா் மு.கந்தசாமி பேச்சுவாா்த்தை நடத்தினாா். எனினும், முதல்வா் நாராயணசாமி உறுதி அளித்த பின்னா்தான் போராட்டத்தை கைவிடுவோம் எனக் கூறி எம்.எல்.ஏ.க்கள் போராட்டத்தைத் தொடா்ந்தனா். இதைத் தொடா்ந்து, முதல்வா் நாராயணசாமி, அன்பழகன் எம்.எல்.ஏ.விடம் செல்லிடப்பேசியில் தொடா்பு கொண்டு பேசினாா். அப்போது, 10 நாள்களில் 6 மாத இலவச அரிசிக் குரிய பணம் சிவப்பு நிற குடும்ப அட்டைதாரா்களுக்கு தலா ரூ.3600-ம், மஞ்சள் அட்டைதாரா்களுக்கு தலா ரூ.1800-ம் அவரவா் வங்கிக் கணக்குகளில் செலுத்தப்படும் என்று உறுதியளித்தாா்.

இதையடுத்து அவா்கள் போராட்டத்தை கைவிட்டு கலைந்து சென்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com